عديت في ضلع طويل معداه=العصر يوم الظل ناسب مزاجه
حار القدم في ما قفي ماتعداه=حصلت في رأس الطويل انحراجه
يارجم ياعل مخيل المزن ياطاه=ويأخذ على هاك الهضاب أدراجه
يسقيك حتى يرتوي القاع من ماه=وسيل الشغايا مع المسيل يتواجه
ياهنيك يالهويدي هنياه=يومن مالك في المخاليق حاجة
ما أونست حب اللي يحني شفاياه=ماتل قلبك بالدلع والغناجه
ياتل قلبي تلتين من أقصاه=والثالثة شبت حرايق أسراجه
سألت الطبيب عن الدواء قال ما جاه=يا ويل عيني وين أحصل علاجه
علية قلبي حايمات ضماياه=كيف يحصلي شربة بنفراجة
العين عجزت عن كرا النوم ماجاه=والنوم عيا لا يجيها أسهاجه
تفكون ياربعي يا هل العرف والجاه=اللي لبستو مع هل العرف تاجه
حماية التالي نهار المثاراه=لياغطى رؤؤس الحتايف عجاجه
أنا بلايه بعد غالي وفرقاه=أخلف هواء جوي وغير مزاجه
غالي بحبه داخل القلب يفراه=هو سبب جرحه وعنده علاجه
الشاعر / خشمان مرزوق العضياني
« آخـــر الـــمـــشـــاركــــات »
21-Aug-2009, 09:02 PM
الشااااعر/ خشمان بن مرزوق العضياني
العرض العادي
