محاورة قمة عالميه ولم تنشر بين صياف الحربي ومستور العصيمي

[أبـوحرب]

طاروق رائع جدا بين صياف رحمه الله ومستور العصيمي











صياف رحمه الله

يالعصيمي جيت بين الرخا والشده = صرت بين البحر الأحمر وسيل الوادي
الجمــــــل شقران عيا يشيل العده = وأنت ماتقـــــدر تسوقه بغير إشدادي

مستور العصيمي

والعصـــــيمي عمها لو تطول المده = لاتشــــــد إعنانها لن هــــداك الهادي
دايما ياحـــــــــــرب وأرزاقكم منلده = خيمو بخيامكم فالمحـــــــــيط الهادي

صياف رحمه الله

عمها فالضـــــــــلع قدام تنــزل جده = مير خلك عن طـــريق الخطر متحادي
الحـــــــروب إتحارب العالم المرتده = وأنت عيـــــنك صاحيه مير قلبك غادي

مستور العصيمي

الجمال اللي تراغا عساها الغده = ضايعه والضـــــــــايعه مالــها نشادي
وأنت ياصيـــــــــاف رديتها فالبده = مادريت إن ..... ...... سد الشفا نقادي

صياف رحمه الله

خل كبدك تصبح إمن الزعل مسوده = إعرف المصدار ثم إعرف الميرادي
شيل بشتك وإضرب السـكه الممتده = لاتعاندني ويصعب عليك عنادي

مستور العصيمي

مانضد إلا عـــــــرب تستحق الضده = ياغريب الــــــدار كل البلاد بلادي
لونمــــشي يمك السكه المنسده = مايناديلـــك مع المسلمين منادي

آخر تعديل أبـوحرب يوم 18-Aug-2009 في 01:22 AM.

[صاهود]

مانضد الا عرب تستحق الضده=ياغريب الدار كل البلاد بلادي

هههههههههههههههههههههههههههههههههههههههه


لو نمشي يمك السكه المنسده=مايناديلك مع المسلمين منادي

لغغغغغغغغغغغغغغغغغغغغغغغغغغغغغغغغغغغغغم

كبيييييييييييييييييييييييييييييييييييييييييييييييي يير

صح السانك يابو تركي واللة يرحم صياف

[نفيعي البجاديه]

مشكور على النقل يا ابو حرب


طاروق رائع جدا بين الشاعرين الكبار صياف الحربي ومستور العصيمي
هذي المحاورات اللي نبي نشوفها الله يرحم صياف ويطول بعمر مستور

[أبـوحرب]

المشاركة الأصلية كتبت بواسطة نفيعي البجاديه

مشكور على النقل يا ابو حرب


طاروق رائع جدا بين الشاعرين الكبار صياف الحربي ومستور العصيمي
هذي المحاورات اللي نبي نشوفها الله يرحم صياف ويطول بعمر مستور

العـــــــــفو يا نفيعي والله يقبل دعاك

[أبـوحرب]

المشاركة الأصلية كتبت بواسطة ّديب عروا

مانضد الا عرب تستحق الضده=ياغريب الدار كل البلاد بلادي

هههههههههههههههههههههههههههههههههههههههه


لو نمشي يمك السكه المنسده=مايناديلك مع المسلمين منادي

لغغغغغغغغغغغغغغغغغغغغغغغغغغغغغغغغغغغغغم

كبيييييييييييييييييييييييييييييييييييييييييييييييي يير

صح السانك يابو تركي واللة يرحم صياف

ابو حرب عليك بالهدوء الرجل معجب بابيات مستور وترحم على صياف لماذا الانفعال ؟؟؟

[أبـوحرب]

أنا أنفعلت بالعكس رد عادي جدا


لاكن أبيه يفسرلي الألغام الللي يقولها ههههه أكيد يبي يبتلش

[المرقاااب]

لاهنت يااابو حرب

[سعود العصيمي]

شيل بشتك وإضرب السكه الممتده
لاتعاندني ويصعب عليك عنادي


مانضد إلا عرب تستحق الضده
ياغريب الدار كل البلاد بلادي
لونمشي يمك السكه المنسده
مايناديلك مع المسلمين منادي






الله الله

ياسلام على الشعر الحقيقي


واهله



الله يرحم صياف الحربي

ويعطي

مستور العصيمي


العافية.


وشكرآ جزيلا


يابو حرب

واتنمنى منك المزيد

من مثل هذه المحاوراات

خاصة بين


هؤلاء العملاقين.


لانيهما


الشاعرين المفضلين عندي .

التوقيع

اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا. ماني على قربه شفي والاّ على بعده شفوح = الله خلقني مااعترض من صد من كل الملا.