المنشد خزام الحطيم و(القصيدة المبكية ) للشاعر منصور الحبيل.. يوتيوب + نص - الهيـــــــــــــلا *** منتدى قبيلة عتيبة

منصور الحمادي · 14-Aug-2009, 02:24 AM

المقطع على اليوتيوب

[/size][/color][/align][/overline]

من عقب ماني غالية بين غالين = مابين عطف امي وابوي مغمـــوره
اصبحت في دارٍ تلاحظني العين = منبوذةٍ مذمـومةٍ ومحقــــــــــــوره
ابوي ما يبغى يجي ذكر طــارين = وامي من اسباب المصاب محسوره
خسرت كل اللي من اول مصافين = طاح الشرف والعرض وانهدّ سوره
تاخذني الحسرة على العرض والدين = اللي مضيّعتــه بليا مشــــــــــــــوره
غامرت في حب وحنان المحبين = فــي وسط غابات الهلاك ونموره
وابتزني من لايعرف الحيا ...ويــن = وحــشٍ نــزع مـن كــل قلبـه شعوره
واختــل في وجهي جميع الموازين = وفضيحتي بين الجميع مخبــــــــــوره
وشلون ابا ارفع للبشر نظرة العين = وش قولتي لاهل القلوب الغيـــــــــوره
لو اعتذر لوجيه كل الملاييــــــــــــن = مانيب من كل الوجـــــــيه معذوره
من كثر حزنٍ حلّ في وقتي الشين = كنــّه نزع قلب الشقا .... من جذوره
كم اكتويت من الاسى والامرّين = وكــم ليلةٍ فيها الدموع مهــموره
هذي نهايه ... في صداقات غاوين = هــــــذي نهايات الفساد وسفوره
نصيحتي ياللي على الدرب تمشين = درب الخطـــر لاتامني من شروره
يابنت توبي واعلنيها وهالحين = من قبل بركانـــه بوجهك يثوره
يابنت صوني زينة العرض تكفين = ما للشرف تعويض لا غــاب دوره

تقبلوا تحياتي
منصور الحبيل

[/QUOTE]

ابو محمد الدعجاني · 14-Aug-2009, 02:29 AM

الله يستر على اعراض المسلمين

صح السان الشاعر والناقل

عمر الدغيلبي · 14-Aug-2009, 03:44 AM

صح لسانك يا اخ منصور

قصيده مؤثره و معبره

جزاك الله خير

لا تحرمنا تواجدك و جديدك

احترامي

التوقيع

ابو براك · 14-Aug-2009, 11:42 AM

صح لسان الشاعر

ولاهنت أخوي منصور الحمادي

ابو ضيف الله · 14-Aug-2009, 12:26 PM

منصور بيض الله وجهك على هذه القصيدة المبكية

حسبي الله ونعم الوكيل على من يعبث باعراض المسلمين

مصيبة والله اكبر مصيبة من هالشباب الكلاب وهالبنات المغفلات

نسأل الله انه من نوى اعراض الناس بشر انه يبتليه بنفسه

التوقيع

قال الشافعي رحمه الله: أركان الرجولة أربع: الديانة والأمانة والصيانة والرزانة.

قال الخليل ابن أحمد: التواني إضاعة, والحزم بضاعة, والإنصاف راحة, واللجاجة وقاحة.