يا أبوي شوفك يبري العله وتشفى به جروح

[عمر الدغيلبي]

السلام عليكم ورحمة الله وبركاته

أسعد الله مسائكم بكل خير


قال تعالى: ( وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا ) [الإسراء:23]، وقال تعالى: ( أَنِ اشْكُرْ لِي وَلِوَالِدَيْكَ ) [لقمان:14].


لقد كتبت هذه القصيده المتواضعه في والدي أطال الله في عمره وحفظه

وهي عباره عن جزء بسيط من حب الإبن لوالده ولا تفي والدي من حقه علي شيئا ً


أسأل الله أن يجعلني من البارين بوالديّ في حياتهم وبعد مماتهم


إليكم القصيده :

يا أبوي حبك وسط قلبي يبني كبار الصروح = يشهد على ما اقول علام الخفايا كلها
يا أبوي شوفك يبري العله وتشفى به جروح = ولا غبت دار ٍ ماتجيها كيف أنا ما أملها
أرتاح لا شفتك بخير و ضيقتي عني تروح = شوفك يكفيني عن الدنيا ومن في حلها
أنت الأبو و أنت الأخو و أنته رفيق ٍ لي نصوح = ياكم نصيحه منك جتني لين صرت أفطن لها
ياتاج راسي يا بعد روحي يا أبو قلب ٍ سموح = إن كان ما القيفان غنت فيك ليه أشلها
يمناك من فوق القمم بالطيبه دايم تلوح = واسمك على روس السطور العاليه محتلها
لك فالحشا حب ٍ كبير ٍ ما توفيه الشروح = تعجز بيوت الشعر عن وصفه بوسط سجلها
أنت الأمل عندي وبري فيك مابعده طموح = والطيبه منّك و من طيبك عرفت أدلها
من صغر سني مصغي ٍ لك دوم لا شفتك تبوح = يالشامخ اللي وقفته من فالعرب ياصل لها
شيخ ٍ وبابه ما يرد و دلته دايم تفوح = كريم و صفات الكرام الطيبه كفو ٍ لها

وسلامتكم

التوقيع

في منتدى الهيلا زحول الرياجيل = بيت القبيله و النشاما إرواقه يزينه حرصه لزين التماثيل = ويجمله نبذ العلوم الدقاقه

[سلطان بن دحيم]

صح لسااااانك

والله يطول عمر والدك ويستاهل المدح وانت كذالك


تحياتي

[نواف العصيمي]

صح لسانك والله يطول في عمره ويخليه لك ..


ولك التقدير والإحترام

التوقيع

[عبدالله الجـــذع]

ابو الحميدي صح لسان

واسال الله ان يطيل في عمر والدك

قصيده من اول حتى اخر حرف تجد الصدق يتجلى فيها

بيض الله وجهك هذا من طيبك وطيب تربيتك

ننتظر جديدك يامبدع

محبك
.

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[عمر الدغيلبي]

سلطان بن دحيم صح بدنك

وجزاك الله خير وتستاهل الطيب

وماعليك زود

شرفتني بمرورك

احترامي

[عمر الدغيلبي]

نواف العصيمي

صح بدنك وجزاك الله خير ياغالي

شرفتني بمرورك

احترامي

[عمر الدغيلبي]

الغالي عبدالله الجذع

صح بدنك واشكرك على اطرائك واشادتك

والله يجزاك خير وبيض الله وجهك

مرورك اسعدني وشرفني

احترامي

[بندر المرشدي]

الله يطيل في عمره على العز والطاعة ويرزقه برك


ويرزقك رضاء الله تعالى اولاً



ثم رضاء والدك


قلت فأجزلت بيض الله وجهك ياعمر


وصح لساااااااااانك




تقبل مروري

التوقيع

يامنتـدى الهيـلا علـى العـيـن والــراس=صــدري وسـيـع ومــن مـعـزتـك مـلـيـان لبـسـت مـعـروفـك مـثــل ثـوبــي لـبــاس=وزرعت لـك فـي داخـل القلـب بستـان الله يبـيـض وجــه مــن ثـبـت الـســاس=وحط الـك مـن فـوق العناويـن عنـوان اســم ومسـمـى خـتــم جـــودة ونـبــراس=يـسـمـع بـــه الاصـقــه ويـــرآه عـمـيــان مـــــا يـنـتـقـيـم بـالـجــواهــر والالـــمـــاس=ولا يـغــمــره بــحـــر الــقــوافــي والاوزان :: ديواني من إعداد الزميل/ عمر الدغيلبي ... بيض الله وجهه

[ابو فايح]

يخ ٍ وبابه مـا يـرد و دلتـه دايـم تفـوح***كريم و صفـات الكـرام الطيبـه كفـو ٍ لهـا


ونعم مليون


صح لسانك ياعمر قصيده جزله

التوقيع

عالم تويتر abofayeh@

[فهد النفيعي]

صح لسانك والله يطول في عمر والدك