الله يكافيك المرض والعراضي

[فهد القثامي]

اخواني وخواتي اعضاء ومتصفحي منتديات العزه والشموخ(الهيلا)
السلام عليكم
يشرفني الأنضمام الى هذه الكوكبه المميزه من أدباء وشعراء وكتاب.
واسمحوا لي بهذه المشاركه وهي عباره عن قصيده في صاحب السمو الملكي الأمير سلطان بن عبد العزيز ال سعود حفظه الله .
لا يخفى على الجميع مال لهذا الرجل الشهم من حب في قلوب الشعب لمايتمتع به من صفاتٍ نادره وحبٍ للخير في اقواله وافعاله ويشهد بذلك البعيد قبل القريب
فعندما اصابه ذلك العارض الصحي والذي شفي منه ولله الفضل والمنه .
ارتفعت الأيادي بالدعاء له بالصحه وشارك الأدباء والشعراء بكثير من المشاركات لتي تعبر عن مايكنه الناس له من حب وموده فكان لي هذه المشاركه التى تعبر عن بعض من مشاعري تجاه هذا الرجل الكريم في طبعه االنادرفي صفاته.

[poet font="Simplified Arabic,4,black,normal,normal" bkcolor="transparent" bkimage="backgrounds/17.gif" border="none,4,gray" type=0 line=200% align=center use=ex length=0 char="" num="0,black" filter=""]
سريرك أبيض يا ابيض القلب سلطان = وجهك بياضه في زمانه بياضي
ياسيدي حالاً تبادر للذهان = أن الأمر ذا فيه شاهد وقاضي
تجمعت ثلاثةٍ بيض الالوان = لو ماحدٍ في حالة الظرف راضي
يا حكمت الله كنها شاهد أعيان = على بياض الوجه حاضر وماضي
ياللون الابيض اصبح اليوم لك شآن = وانته قبل سلطان خال الوفاضي
كان السلام أغلى بيوعك بالاثمان = واليوم سوقك عامره بالمقاضي
وسلطان إلك في كل الاحوال عنوان = ومن أول دروبك وساعٍ عراضي
ياسيدي بعض المراجل له لسان = ما كنها إلا من الدعاه الحفاضي
ومراجلك يا سيدي خير برهان = توضي دروب الناس مثل المواضي
بنيت جيش مدرب وهئية اركان = وكلٍ على واجب بلاده محاضي
أربع قطاعاتٍ تقول أربع اخوان = تحمي الحدود الشاسعه والاراضي
قوات بريه وعسكر وميدان = مجهزين لكل حربٍ يخاضي
وصقور جواً كنها طير شياهان = طارو على بعض الطيور الرباضي
وبوارجٍ تبحر بطاقم وربان = وسفنن هجوميه وسفن أعتراضي
ومنصةٍ رادارها عين سهران = وصارخوها وسط الهدف له شواضي
ولك عندنا فضلٍ وحسنى وعرفان = وغلا العيون اللي بها الدمع فاضي
دائم سحابك فيه للخير هتان = ترعى العيون مزون برقه لناضي
يسقي الديار ويمتلي منه غدران = وتنبت غداته مزهرات الرياضي
يارشفةٍ عذبه على كبد ضميان = لو غاض نهر النيل نهرك ما غاضي
ندعي لك الله والسلامه في الابدان = الله يكافيك المرض والعراضي
وتبقى لنا ذخرٍ على مر الازمان = في الدوله اللي عاصمتها الرياضي
دولة هل العوجاء طويلين الايمان = يردون حد الموت ورد الحياضي
والشعب واحد والبلد أمن وأمان = وحكم الشريعه ما حكمها افتراضي
واللي يزعزع أمنها كان ما كان = لايحسبنه في الحقوق متقاضي
تلعبه أفكاره على كف شيطان = وحقه سموم القيض ولا الرماضي


[/poet]