قصيدة في... نوره الفـــايز (الوزيرة التغريبيه) ..تحميل +نص

[منصور الحمادي]

رابط القصيدة








ماكسبنا من.. نويـر ..غيـر تحصيـل العزايـر


ليتها من قبـل ماتظهـر علينـا مستخيـره




ضيقت كل الصدور الي عشمهـا بالبشايـر
خيبت كل الضنون الي تحراهـا... نصيـره




ماخبرت الحرمة إن قامـت تولـى بالوزايـر
غير تشطح بالعجايب مثل هذيك الوزيـره




شبهوها بساركوزي وجت من الفرحة تطاير
طبقت فينا نفوذه واشعلـت فينـا سعيـره



راح تعظيم الحجاب ببسبة الفكـر المغايـر
من جنون الغرب جيتي للبلاد ...المستنيـره



الله ارخص للمرأة في وقت تعظيم الشعايـر
واختنا جتنا تزيد الوقت من بعـد الظهيـرة



في مناخ حر قيضة يلتهـب مثـل السعايـر
في طريق يهلك الي يقطعه من طـول سيـره



ماتبالـي باليتامـا الـي يلهـون العبـايـر
من حوادث هالمسافات الطويلـة والعسيـرة



المعلم رمـز ثابـت معتلـي مثـل المنايـر
يوم هيبتهم تهاوت ويـن كنتـي ياوزيـرة؟



وين توظيف البطالة وين ... تحجيم الخساير
كل هذي وين راحـت يامعالينـا القديـرة




ويش باقي من عجايب خلف مسدول الستاير
اتحفينا دام صرتـي فـي قرارتـك جديـره




فهموها واخـذو بيدهـا لتنويـر البصايـر
لاتجيب العيد فينا صدق وتجيـب الجريـرة




علموها من يضيم الخلـق تلحقـه الدوايـر
ذكروها ان الليالـي والكراسـي مستديـره



اشتكوها وارفعوا في كل ماسـوت وصايـر
للمليك الـي تهلـل بالوفا في كـل ديـره




العطوف الي حمى شعبه من اصناف الشرايـر
وابشروا مادمنا في ضـل حكـام الجزيـرة


شعر : منصور الحبيل

آخر تعديل منصور الحمادي يوم 15-Jul-2009 في 02:51 PM.

[أبونواف]

شكرا لك ..