إذا المراجل لبسة شماغ وعقال - الهيـــــــــــــلا *** منتدى قبيلة عتيبة

ابن صنهوت · 25-Jun-2009, 04:08 PM

بسم الله الرحمن الرحيم

هذه الابيات اعجبتني لا اعرف قائلها وحبيت انقلها لكم

إذا المراجل لبسة شماغ وعقال =قل للعذارى يلبسنّ العمايم
ما عاد يفرق زول حرمه ورجال =دام الفعايل تشبه البعض دايم
المرجله ما هيب كلمه وتنقال =وتروح ما راحت هبوب النسايم
وإلا خشونة صوت أو رفع الأثقال =أو رزة صدور وفعل الزلايم
ولا هي بعد مفتاح موتر وجوال= وإلا ردى لسانن حديثه شتايم
المرجله شيمه عن القيل والقال =رفيع نفس (ن) حر بالجو حايم
المرجله عقلٍ وزن وزنه جبال =ودون العقل وش فرقنا والبهايم
يا مسندي لو مايل الوقت بي مال= يا ولد أبويه يا عظيم العزايم
يا معرب الجدين من العم والخال= يا نخوة المفزوع وقت الهزايم
المرجله يا خوي هي طولة البال= هي العزم هي الصبر فالظلايم
فيها الكرم عزه ودله وفنجال =فيها الكرامه عن ردي الطبع شايم
والدين لامنه خذا القلب منزال =مشى طريق الحق وابليس نايم
ومن لا عرف ربه في طيب الحال =لابد وقت الضيق بالهم هايم
حتى صلاتك مع جماعات ورجال =في خيرها يا خوي نعم الغنايم
ولامن نصف ليلك قم صفي البال =يا عظم أجرك بين ساجد وقايم
ولا من رفع ربي له كل الأعمال =حسن الذكر لا قالو فلان صايم
وخلك شريف القصد يا طيب الفال= سوء المقاصد فالبيوت الهدايم
واحذر تبيع النفس في دب الأنذال= وتتبع خوي إبليس راع النمايم
النفس خيل لك إذا كنت خيّال =ومن لا قوى نفسه قوته الهزايم
ولا صرت ما تدري لو يش أنت رجال= والله خسارة فيك ذبح التمايم

وسلامتكم

عبدالرحمن الهيلوم · 25-Jun-2009, 05:27 PM

صح الساااااااااااااااانك والساااااااااانه

شكرالك

طلال ناشي · 26-Jun-2009, 01:06 AM

صح ألسان القائل

شكراً على النقل الجميل

والإختيار الموفق

تحياااااااااتي

التوقيع

طلآل نـاشي العـآلي

talal945@hotmail.com

أبونواف · 26-Jun-2009, 08:28 PM

صح لسان قايلها وسلمت يد ناقلها

أخو جوزا · 27-Jun-2009, 07:35 AM

وانت سالم وغانم...

التوقيع

قال الله تعالى:

﴿وَالْعَصْرِ * إِنَّ الإِنسَانَ لَفِي خُسْرٍ * إِلاَّ الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ ﴾