|
05-Jun-2004, 05:11 PM | رقم المشاركة : 1 | |||
|
عبر الخيال
اقدم لكم هذه القصيدة آملاً بأن تحوز على رضاكم [poet font="Simplified Arabic,4,black,normal,normal" bkcolor="transparent" bkimage="backgrounds/18.gif" border="groove,4,gray" type=0 line=200% align=center use=ex length=0 char="" num="0,black" filter=""] وين العزاء يوجد على يـاس فرقـاك = يـوم ان ياسـك قـام يغلـب رجاكـا وقامت شـوي شـوي تبعـد مطايـاك = حزم ضهـر دونـك وحـزمً وراكـا وهبت ريـاح ٍعجهـا دمـدم خطـاك = لين انمحت بارضي مواطـي خطاكـا وتعسـرت شوفتـك مانـي بـويـاك = عسر ٍ هنـا شوفـك وعسـر ٍ هناكـا عز الله انـي بالتلاقـي معـك شـاك = ونجمي بـدى ضـوه يغـور بسماكـا انسـاك لا منسـاك منسـاك منسـاك = الله ينسـى مـن عـرفـك ونسـاكـا باسباب حبك حـاك بالنفـس ماحـاك = ومن مايحـوك النفـس قامـت تحاكـا ومع القمر والريح واسـوار الافـلاك = انـا وهـن قمنـا نــدور برحـاكـا ومنك انت ماجاني منك غيـر ماجـاك = لاكـن عضيـم الـذل جانـي وجاكـا والموقف اللي غيبة الشمس ما ارضاك = وابكـاك واحرقنـي بنـيـة هـذاكـا وتـم التبـاعـد والتـواعـد والادراك = ومن بعـد مـده جيـت لجلـك لذاكـا حيث بذكـا ماذكـاك مذكـاك مذكـاك = ياللـي علـيـك الاذكـيـا ماتـذاكـا وفي كل حين يحرني طيـف ذكـراك = واصبح معـه عبـر الخيـال ومعاكـا ويصورك طيفـك علـى مـا تمنـاك = وبطيفـك اشيـاء ماحيـه مـن بطاكـا تلوح لـي صورتـك بالطيـف منـاك = وعنـي تلـوذ بسـرعـة ٍ وارتبـاكـا ولا اشوف لا اوجانك ولا اشوف عيناك = ولا سنـا وجهـك ولـيـل ٍ غشـاكـا ولا اشوف سحر ٍ خابره فـي محيـاك = مـا اميـز الا لمحـةٍ مـن شفـاكـا تشتـاق يالغالـي عيونـي لـرويـاك = ولـو ماعليهـا امـون يمكـن تبـاكـا ودنيـاي شالتنـي وشالتـك دنـيـاك = عقـب السوالـف والدلـع والمراكـا ولاهـي بعينـي شـي دنيـا بلـيـاك = الله يلعنـهـا ويـسـعـد مـسـاكـا ومسمـوم حبـك ياحبيبـي وفـتـاك = وكـل المشاعـر مـر فيهـن هواكـا والكبد مايبري ضماهـا سـوى مـاك = ولامـن ضمـاك ولا هـواك انفكاكـا ولو كل عمري ضاع ما ادركت لاماك = انـا وعمـري كلنـا مــن فـداكـا [/poet] الشاعر / عبد الله بن باتل |
|||
|
|
05-Jun-2004, 06:19 PM | رقم المشاركة : 2 | |||
|
العبسي..
قصيدة ولا اروع تشكر عليها وشدني هالبيت.. انسـاك لا منسـاك منسـاك منسـاك الله ينسـى مـن عـرفـك ونسـاكـا بس لي نظرة على .. العنوان |362| فرهودي |
|||
|
|
05-Jun-2004, 06:59 PM | رقم المشاركة : 3 | |||
|
فرهودي
اسعدني مرورك العذب وإعجابك الجميل لهذه القصيدة.. وأما من ناحية العنوان فأنا أوافق الرأي وليتم تغييره من قبل المشرفين الأفاضل إلى (عبر الخيال) وأرجوا ان تتقبلو العنوان بالغلط الغير متعمد. ولكم جزيل الشكر تحياتي لك العبســـي |
|||
|
|
05-Jun-2004, 10:13 PM | رقم المشاركة : 5 | |||
|
أخي
geath اسعدني مرورك العطر على هذه المشاركة البسيطة وأبشر باللي يرضيك ويريح خاطرك لك ودي أخيك العبســــي |
|||
|
العلامات المرجعية |
يتصفح الموضوع حالياً : 1 (0 عضو و 1 ضيف) | |
|
|