الطاروق الاول
سليمان بن حمدان العداوني
عد نوٍ يشعل الليل براقه بنور = مرحبا في دولتن عزها شيخانها
جيتك الليله وانا شاربٍ سبع البحور = السفينه تحت شوري وانا ربانها
سالم عبدالله المري
ليل ياليل السعد ليل ياليل السرور = والبقا في ليلتن غايبٍ شيطانها
قطك الله في يدي والرحاه اللي تدور = والسلامه عانها والندامه عانها
سليمان بن حمدان العداوني
خل بنيك من حجر والحجر يبني قصور = لا تخلي يدخل العيب في سيسانها
انت يا سالم من الله والناس معذور = ما تشوف الحيه اللي تمد لسانها
سالم عبدالله المري
بنيناَ ثابت من سنين ماهو من شهور = كلها من فعل يامٍ وفعل فرسانها
يالله انك تغفر الذنب فنك انت الغفور = جبت لي بندق وانا عارفٍ نيشانها
سليمان بن حمدان العداوني
مانشدتك عن غلا السوق واسعار المهور = الرعيه ذنبها في ذمم رعيانها
والنعم فيكم يامره ياوافين الشبور = والقبايل كلها راجحٍ ميزانها
سالم عبدالله المري
انت تنشدني وانا اسجل كروت العبور = لاجل اوصل كل جيران لا جيرانها
ماعليكم زود بس الامور اتجيب امور = تعرف ال مره رجالٍ طوال ايمانها
سليمان بن حمدان العداوني
منت عارف ويش فعل الحنادي والصقور = الصقور اشكال والريش في جنحانها
بداية الطاروق الثاني كنت عند
سالم عبدالله المري
سلام الله عدد من حج بيت الله ولبس أحرام = على دارٍ ليا جاها المسير عود الكره
لقينا شاعرٍ ما بان صيته غير في ذا العام = ولكن البلا انه ما ثبت له فى الوطن جره
سليمان بن حمدان العداوني
يدوم الك البقا يلي ترحب والوعد قدام = انا شاعر بني عدوان وانته شاعر المره
انا معروف في كل المناطق شرق ولا شام = اضن الكبد عندك ياعميل الخير محتره
سالم عبدالله المري
انا سلمت ما رحبت واقول السلام اسلام = ولكن احتزم جوك السباع الديره الدره
علامك ما يعد اسمك يا عداوني مع الاعلام = اكيد انك على ما قيل لا ضره ولا سره
سليمان بن حمدان العداوني
ترا اللي يبغي الطرقه طويله يحتزم بحزام = ولا يتعب من المشي الطويل ويقطع الحره
ابسميك شيخ المعركه والفارس المقدام = ولو انك ما قطعت الراس بسيوفك ولا مره
سالم عبدالله المري
اتحزم في بني عدوان والمري حزامه يام = رجالٍ ماتحسب حساب راع الفول والجره
اكيد اني من شيوخ العرب ماني من الخدام = ولكن اخذها مني على الكرنيش اخذ فره
سليمان بن حمدان العداوني
بني عدوان ماضين الفعايل وانشد الاخصام = وانا بنشدك بالله يا ولد لا ترجع الكره
« آخـــر الـــمـــشـــاركــــات »
03-Jun-2009, 06:31 PM
محاورة سليمان بن حمدان العدواني وسالم بن عبدالله المري (قلطة الوطن)..!!
العرض الشجري