ياموت ماخليت ذربين الايمان==واخذت من

[مرزوق الجعيد]

بسم الله الرحمن الرحيم
والصلاة والسلام على اشرف الانبياء والمرسلين
السلام عليكم ورحمة الله وبركاته
اخواني اعضاء منتديات قبيلة عتيبه

اقدم لكم هذه الابيات ارجو ان تحوز على رضاكم


شاعرنا هو \رفاع الجعيد يرحمة الله
وقد قال هذه القصيده بعد ان راى الساحه تخلو من هم في سنه وعاشو في عصره ومنهم من ترك حياة الباديه وذهب الى حياة الحاضره وقد فاضت قريحته بهذه الابيات
[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
ياقيل منهو رد زينات الالحان=مثل العسل والا حليب ذراحي
هرج يشادي در حلوات الالبان=ترعابه المصلاح برض(ن) براحي
والقلب كن مولع (ن)فيه نيران=والعين والله ما اهتنت بالمراحي
منزال عمي بين حرث وعتبان=مرسي كما عد(ن)شرابه قراحي
ياهديب علم وش حصله وش كان=يوم انتقل من منزله وين راحي
وان كان جاه مفرق بين الاخوان=وان صحت ما ردو علي الصياحي
يا موت ما كبيت ذربين الايمان=واخذت من ربع(ن)يداهم شحاحي
اخذت ابن شلهوب واخذت عيفان=ورحنا يتامى فوقنا اليتم لاحي
ابعدت عنا القطر يابن دهيران=يم العقيق ويم ذيك النواحي
ابعدت نجر(ن)تالي الليل سهران=ما لا عبنه لا بسات الشلاحي
وتلقا مقابله بني عم واخوان=وسوالف تهذب بهذب السلاحي
ودلال صبح(ن)كتبها كتب رسلان=وادلال صبح كتبها مستضاحي
قالو تسلا وانص حامح وسلمان=وانكان ما سلوك دور لناحي
واثر شديد الربع من ----------=باعو غنمهم جعلها لنجاحي
واقفو كما يقفي مع الصبح دخان=واقفو وقفتبه هبوب الرياحي
نشدت عنهم قالو اليوم حضران=والي نزل يم السماحه وطاحي
ما عاد ابي في ديرة البدو مسكان =ومن شافني يقول ماني بصاحي
رفاع الجعيد
[/poet]


وسلامتكم
طبعا القصيده طويله ولكن هذا الي يحضرني منها
والاسماء الي وردت في القصيده هم اشخاص من كبار السن من قبيلة الشاعر وقد انتقلو الى رحمة الله نسال الله ان يدخلهم فسيح جناته وان يرحمنا برحمته