سلطان الجذع سلطان الجذع

[نايف بن ملحق الثعلي]

سلام يا اهل المنتدى والله يمسيكم بخير=وعتيبة الهيلا رياجيلن تطول ايمانها
عز الله انك يالجذع سلطان ماعندك ضمير=ارسلتي يمك رسالة واضحن عنوانها

التوقيع

ما هوب لازم توقيع00

[سلطان الجـذع]

الله الله

يامرحبا ترحيبة الواجب من الراس الكبير = هواجسي خيل تطارد والصدر ميدانها
لو ياخذ الفراش خمس سنين يرسل للمدير = مقاصده ماحاصلٍ غير التعب من شانها

[نايف بن ملحق الثعلي]

انا احسبنك ماتموج عن الطلب ماهما يصير= اثرك راع الحجه اللي ماثبت برهانها
بعض السوالف ماتفيدك والليالي تسدير=ماغش بعض الناس غير قلوبها ولسانها

[سلطان الجـذع]

اثرك تحسب انا علاك يقودنا يسلك الحرير = وانته تكيل اللي الكيلة اللي مارجح ميزانها !!
ياصاحبي نايف ولد ملحق عسى فالامر خير = دايم علومك وحده باشكالها والوانها !!

[نايف بن ملحق الثعلي]

خل المعاني يالعتيبي كنها ريح العبير=والنار من شبابها والخيل من فرسانها
ياصاحبي سلطان حنا وسمنا فوق البعير=مار انت ماتبغي الحقيقه والحقيقه عانها

[ابو لمار]

الله الله الله

طاروق كايف

نايف ملحق

سلطان الجذع

ابدعتوا بيّض الله وجيهكم

واصلواااا

متااابع للابداع




تحياااتي لكماااا

[سلطان الجـذع]

قيمة بيوت الشعر عندي من مدى البحر الغزير = وقيمة بيوت الشعر عندك قافها واوزانها !!
احيان في واد الرمه واحيان في واد الجرير = بندقك حبتها يسار شوي عن نيشانها !!

[نايف بن ملحق الثعلي]

ابو لمار ارحب ياغالي

[نايف بن ملحق الثعلي]

الشعر له شعار وانته طير ماتقدر تطير=وطيور ماشاء الله تراها رفرفت جنحانها
يامخبل الي وارد للعد بالحبل القصير=ماهوب ويا المرجله لو قال من عمانها

[سلطان الجـذع]

اليا بغيت الصدق ماعندك قليل ولا كثير = في كل ليل تشب نارٍ يعمسك دخانها !!
يالمسلم اللي كل ليلة تحيي الثلث الاخير = أمانتك مدري من اللي يابن ثعلي خانها !!