سلام و صــبــاح الـــخـــيــر مدري مساء الــخــيــر ,,, سلطان بن دحيم

[علي فلاح العضياني]

سلام و صباح الخير مدري مساء الخير=لكنّ الاكيد الخير فالك و فالي
يا سلطان أبرسلّك رساله مع الطير=لعلّك تجاوبني على ما طرالي

التوقيع

(( رأس الحكمه مخافة الله ))

[سلطان بن دحيم]

المشاركة الأصلية كتبت بواسطة علي فلاح العضياني

سلام و صباح الخير مدري مساء الخير=لكنّ الاكيد الخير فالك و فالي
يا سلطان أبرسلّك رساله مع الطير=لعلّك تجاوبني على ما طرالي

هلا مرحبا يا علي بأيات تعبير = عسى الله يوفقنا العلوم الجزالي
الا يا علي واصل وانا اواصل السير = ليا شفت نور الجدي نجم الشمالي

[علي فلاح العضياني]

أنا قبل أغنّي كاتبٍ فيك تقرير= و وصّلته أصحاب السموّ و المعالي
لعلّك تجي بكره مثل سالم الزير= و ذياب ابن غانم و أبو زيد الهلالي

[سلطان بن دحيم]

المشاركة الأصلية كتبت بواسطة علي فلاح العضياني

أنا قبل أغنّي كاتبٍ فيك تقرير= و وصّلته أصحاب السموّ و المعالي
لعلّك تجي بكره مثل سالم الزير= و ذياب ابن غانم و أبو زيد الهلالي

انا ما ني بفاضي لعذال ومشير = وكثر المشاكل والغثا والجدالي
وعسى الله يبارك فالرجال المناعير = مواقيفهم دون القصر لا تزالي

[فيصل المسعودي]

ياسلا ياسلام

علي العضياني

وسلطان دحيم

صحت ألسنتكم

ومعكم لحظة بلحظة

وانا في صف سلطان دحيم بدون قصور فيك ياعلي

<<< يقول مشرف ومشرف مايصير لا بد من التنويع

تحياتي لكم يالغالين

[علي فلاح العضياني]

الله يحييك يا فيصل

أهمّ شيّ حضورك طال عمرك


تحياتي

[سلطان بن دحيم]

صح بدنك

شرفتنا بمرورك

و بيض الله وجهك با فيصل

عليك الميل يا علي ههههه

[علي فلاح العضياني]

حصل منك يا سلطان زلّه و تقصير=تجاهلت ميقاف الرفيق الموالي
متى تشتهر و تصير ضمن المشاهير=و طاريك له في كل مجلس مجالي ؟؟؟

[سلطان بن دحيم]

المشاركة الأصلية كتبت بواسطة علي فلاح العضياني

حصل منك يا سلطان زلّه و تقصير=تجاهلت ميقاف الرفيق الموالي
متى تشتهر و تصير ضمن المشاهير=و طاريك له في كل مجلس مجالي ؟؟؟

انا اقول راع الطيب طايل على الغير = وانا ما تجاهل فعل ذيب العيالي
ترا كل رجل(ن) يا علي وله تفكير = وانا همي اكسب نعم بين الرجالي

[فيصل المسعودي]

ياسلام وااصلووااا

يالغالين

تحياتي