يامعجب قالو أنك من أرجال المهمات "

[احمد حامد الزايدي]

سلام الله سلام مثل صرف الجنيهات= جنيهات الذهب وسط سوق عالميه
يامعجب قالو أنك من أرجال المهمات=عساك أتكـون قـد المـهـمـات القويه

آخر تعديل احمد حامد الزايدي يوم 15-May-2009 في 07:23 PM.

[عايض النفيعي]

صح لسانك

بانتظار رد معجب

[مقهوي]

ابن الشاكرين

صح لسانك وصح لسان معجب مقدما

[نوآف الغنامي]

صح لسانك يا ابن الشاكرين


وعلى شااانك

وننتظر معجب

..

التوقيع

تدرون ويش اكبر فخر بعد الاسلآم !! = ان النبي (طه) خواله عتيبه خــــيال الصفـــــرا سابقاً

[الطرقي العجلان]

صح لسانك يا ابن الشاكرين


وعلى شااانك

وننتظر معجب

[احمد حامد الزايدي]

أخ/ معجب رد على الطارق من أمس وأنا منتضرك لاهنت يالغالي

[معجب العتيبي]

يعلم الله ماشفت الطاروق الا الحين وتفاجئت يوم شفت الردود خمسه


هههههههههه قلت وراهم عجلين


امس داخل بالجوال وماطول


انتظر لاهنت

[معجب العتيبي]

هلابك عد مالاحت انجوم السموات=عدد ماشافها الناس في صحرا خليه
والا ياصاحبي للرجل فالعمر وقفات=ولا اضنك تبا تجهل الكف النديه

[احمد حامد الزايدي]

نبا نسبح بحـور(ن) مهمتنا الخطورات=والابه لاخـطـوره عـليك (ا)وعليه
الك وقـفـات وانعـم ووقفاتك جزيلات=وأنا يمناي دايم معك يمنى وفيه

[معجب العتيبي]

ليامنك بديت الطريق بخمس خطوات=تقبل صعب الاقدار بالنفس الرضيه
ولي شرطٍ واضنك تعرف الشرط بالذات=نحدد وجهة الدرب ونحث المطيه