الكلب ينبح وصج الناس بنباحه=إما نطل له عظم يرمى ويرتاعي
والخبل مايسكت ألا ساعة أمراحه=يجيب هرج(ن)ملون فيه ألانواعي
ومسترزق الشعر سبه يقلب مداحه=بريال تضبط موجته وبث مذياعي
وأخس شاعر لآعب بيديه مسباحه=شاعر شحاحيد وعاش بلسان مدناعي
عاله على المجتمع ويدور أرباحه=مثل السوا لأشحنوه وبان الأقطاعي
الشعر بحر(ن) غويط يغر سباحه=وماكل غواص يحصل دانة القاعي
والقرم مايهنا له النوم ومسداحه=قبل بزوغ الفجر يسبق بمطلاعي
ومدور الرزق يسعى طول مسراحه=الرزق واجد وخيره شريه وباعي
الطيب فوق الشرور يزود برجاحه=فكل الأحوال يفوز ويفشل الساعي
كلن على أصله تشوف الفعل وألمآحه=حرار ترث حرار و طيبها ذاعي
وراع الردى لاتغرك لمعة سلاحه=خسيس طبعه فعوله مالها داعي
توفيق ربي مع النيات وأصلاحه=و صلاح قلبك يسهل درب ألاسناعي
العبد يدعي ورب البيت بواحه=أليا صدقت توبته أدعاه ماضاعي
وترا طرات الفتى عيشته بكفاحه= كسبه حلال(ن) ويطمع لأحسن أوضاعي
الحر وأن عاف مايرضيه ملواحه=قفا وجنب وهو بالحيل جزاعي
إصحيبك الوافي أشر أرضاه وأسماحه=خلك معه مخلص(ن)لطيحته واعي
ترى الصداقه ماهيب الضحك وأمزاحه=وقفه ورفقة حميا وفزعة دفاعي
والسر في صدرك أقفاله ومفتاحه=إليا درى الغير دار بكل الأسماعي
ونقالة الهرج تدور هرج فالساحه=وتزود فوق الكلام كلام و أرماعي
تضحك بوجهك وفيها السم وذحاحه=سود القلوب ممثلت صدق الأصناعي
الشاعر (فيصل الهيلا)
آخر تعديل لاحق المقاطي يوم 14-May-2009 في 02:10 PM.