_ استغاثة _ محمد بن سمير الحزيمي

[عنـاد الحزيمي]

السلام عليكم ورحمة الله وبركاته

هذه احدى قصائِد الشاعر : محمد بن سمير الحزيمي

استغاثه ..

نجم السويبع شيف والوسم قربّ=والقاع ممحل يابسات ٍ طبوقـه
يارب من رحمتك نطلبك مطلّبّ=طال الزمن والنبت قلت أوفوقه
تامر بمزن ٍ مدلهم ٍ من الغربّ=ليا أقبل من المنشى حقوقه صدوقه
بالخير والرحمه وفضلك موهبّ=ترعد رعوده مع تلاعج بروقه
وليا إحتمل حمله من الماء ونصبّ=يطقه الشرقي وحمله يسوقه
ويصب ماه ليا تعدى حضن صبّ=غيث ٍ ثجاج بدون شيء يعوقه
يمطر وينصاء نجد بهداية الربّ=كن الجبال السود فيه مخلوقه
وكن القنابل فيه والنار تشتبّ=وبرقه من أقصى ضلم يكشف خنوقه
والناس من لونه تخاف وتغاربّ=غريب من مابه وعذب ٍ بذوقه
وسحم الذيابه من رعوده تقانبّ=وباق النفوس تقول منه مخنوقه
ليا أوحيت وبله قلت صلف الهوى هبّ=والأرض من وبله تقول معزوقه
يمسح عقوم اللي يسكر بها الدربّ=ويظلم بجو الكون والشمس فوقه
والضلع يشرب وجلد القاع يشربّ=وسيله مع الوادي وساع ٍ فتوقه
وطرايح الوادي بسيله تقلبّ=ومثل الخيام البيض غثو ٍ يحوقه
ونبت ٍ شواه القيض والوقت الأشهبّ=يسقيه من وبله ويحيي عروقه
وتصبح فيافي نجد روض ٍ معشبّ=ليا مرها العساس نبته يشوقه
كن الوطى مكسي بزل ٍ مهدبّ=جنه لراع النوق بأطراف نوقه
وبعض الزواحف فالزماليق تنشبّ=ويلعب به القمري ويكثر خفوقه
وريحه علاج اللي تعثر به الطب ّ=وتدله أنفوس أهل النفوس الحموقه
وراعي سهاف القود يدله ويطربّ=وريح الخزامى والطعم في غبوقه
وعقبه تساقيه السحايب على غبّ=من وادي الخرمه ليا أطراف لوقه
لين العلف فالسوق ما عاد يجلبّ=يعفن ورى الكبرات ما طب سوقه
وش ذنب مخلوق ٍ بليا مرتبّ=مسلم ومؤمن والليالي صفوقه
يتبع حلاله في رجا الله ويتعبّ=ومن القساوه ناشفات ٍ إشدوقه
وش ذنب حيوان ٍ مغر جلد وأجربّ=ومن العجاج منفجات ٍ إرموقه
الناس تذنب ماترفع عن الذنبّ=ومن الحسد كن الحزوم محروقه
كل ٍ بلوحه ذنب ماينتحسب ّ=لكن بالرحمه عبادك شفوقه
مافيه شين عندك يارب يصعبّ=الخالق أنته والنفوس مخلوقه
يالخالق الفالق ويافارج الكربّ=يامولج ٍ ليل الدجا في شروقه
يامسير دم الشرايين فالقلبّ=فأضيق عروقه مستمر ٍ دفوقه
يا الواحــد الفرد الصمد منبت الحب ّ=يارازق ٍ حوت البحر في عموقه
تجعل ملك يمناي بالخير يكتب ّ=وتجعل ملك يسراي عنه مغلوقه
وتقبل كلام اللي كلامه مرتب ّ=وأنت الذي تسمع وتفهم طروقه

اتمنى ان اكون وفقة في طرحها

دمتم جميعاا ً

[سـعـد الـعـصـيـمـي]

الله الله الله الله

أختيار ممتاز يابو خالد

صح لسان محمد الحزيمي

وبيض الله وجهك على النقل

[محمد بن غازي]

صح لسان الشاعر القدير والعزيز/ محمد بن سمير ....

وتسلم ياعناد ..... والشاعر محمد من الشعار الذين اجادو النظم والمحاوره .... ونتمنى منك المزيد ...

[محمد العتيبي]

الله الله

قصيده رائعه وأروع من الرائع

صح لسان الشاعر المبدع / محمد الحزيمي ..

وتسلم يداك على النقل الموفق

تحيتي لك
...

التوقيع

للتواصل عبر twitter تويتر al_bargawy@

[عنـاد الحزيمي]

سعـد العصيمي

يامرحبــــــاا / ووجهك ابيض يابو مطرر


شكرا ً على المرور

[عنـاد الحزيمي]

محمد بن غـازي

حضـورك محل فخر وإعتــزاز

لاااهنت يالغالي ..

[عنـاد الحزيمي]

محمد العتيبي

بيّض الله وجهك على الحضـور المشرّف

كُل الشكر ياذوق ..

لالااهنت

[حاكم الغنامي]

محمد الحزيمي


صح لساانه مبدع في النظم والمحاوره

ولاهنت ياعناد

التوقيع

سبحــــان الله وبحمدهـ hakem81@live.com

[عنـاد الحزيمي]

حــااكم

الإبـداع بحد ذاته هو تواجدك لا عدمتك


كُل الشُكر لك عزيزي

[عبدالمجيد العطاوي]

بيّض الله وجهك يابو خااااااااااالد وصحّ لسااااااان قايلها عز الله انها وافية وكاملة والكامل وجه الله .....

اقبل مروووووري المتواضع

آخر تعديل عبدالمجيد العطاوي يوم 15-May-2009 في 12:16 PM.