ياسلام الله على على كل الرجال الحاضرينا

[الذريب]

ياسلام الله على كل الرجال الحاضرينا = من هوجسآ تنحت المعنى مثل نحت الحجاره
ودنا بالشاعر اللي فالمواقف مايلينا = شاعر شاطر وانا شاعر وضاريٍ بالشطاره.

آخر تعديل الذريب يوم 13-May-2009 في 07:28 PM.

[مقهوي]

مرحبابك ياالمسلم كل وقت وكل حينا = مالفيت إلا كريم ٍ للطراقي شب ناره
شدٌ حيلك لا يطيح الحيل ياذرب اليمينا = خلها فالظل واحذر لاتميعها الحراره

[الذريب]

ياعسى فيك البقا والطيب سلم الطيبينا = افرش المجلس وشب النارة ياراع المناره
للوفاء والطيب والا للحرابه محتسينا = من على الجدان راعي خيل ويعسف مهاره.

[مقهوي]

لن قلطتو مالقيتو عندنا غير السمينا = والشحم يدهن يمين الرجل مايدهن يساره
احسب حساب البحر والموج ياراع السفينا = السفينه مالها لوحه ورخصه واستماره

[الذريب]

مايشار الضيف فالواجب بسلم الغانمينا=قدم الواجب بعد جيناك ياراع النماره
فالحروب العالمية يالصحيب مشاركينا = وانوانا علم يارجال صدرنا قراره.

[مقهوي]

والله إنا في وجوب الضيف ماتقصر يدينا = مانضيق من الضيوف الي تكرر فالزياره
لا يكون انك مع الي حاربوا في حرب سينا = ماجنوا من حربهم غير الهزيمه والخساره

[الذريب]

انته اتقوله وحنا يوم ضفنا ماليقينا = لابعير ولا خروف ولاش بن ولا بهاره.
كل ماجاء حرب شاركنا وجينا فايزينا = ماخذينا الطيب يارجال سلفة واستعاره.

[مقهوي]

وش نسوي وانتم الي يوم جيتوا حالفينا = تحلفون ايمان مايكلف وحنا فــقتداره
ياعساها ياعميلي فوز في دنيا ودينا = مير اظنك ما ربحت إلا من السوق وعقاره

آخر تعديل مقهوي يوم 13-May-2009 في 10:01 PM.

[الذريب]

هههههه

طيب طيب


صح لسااانك يامقهوي

استلم والختاام لك.

يامقهوي روغتك هذه كما روغت حصينا = مار ابا اسامح مقهوي بعد ماشفنا اعتذاره.
يشهد الله والله الله خير كل الشاهدينا = انها من حر مالي اخذ علمٍ ماش غاره.

آخر تعديل الذريب يوم 13-May-2009 في 10:24 PM.

[مقهوي]

هههههه

صح بدنك لاهنت يالغالي وسعيد بمجاراتك

اكتشفت ان الجماعه مشتكلتهم جايعينا = كل ماشافوا معزب سنتروا في وسط داره
الله أنه يرزقك ياصاحبي والمسلمينا = الوفا والطيب مكسب للعرب واكبر وتجاره