نذكى هالزمن مثل الذبايح !!

[زياد المزرمي]

عقب هاضت على المسرا قرايح = ألا ياقاف شعري ويـن رايـح
تخيٌر فالـدروب اللـي تباهـا = معك من حيث مالاح الك لايـح
وقال الوقت بـه تسعيـن علـه = وحنـا فالغـزل ولا المـدايـح
تعلمنـا نميـدح فـي بعضنـا = ونصف هروجنا صف الصفايح
مديـرك لوتزايـد بالضليـمـه = تصفقله ودمـع العيـن سايـح
حقيقـه والحقيقـه ماتـزعـل = ياكود أهل الردا وأهل القبايـح
اقوله واعرف إن غيري يقولـه = لو إن الذل له طعـم وروايـح
بعضنا مايقـرب مـن بعضنـا = لأن الذل بيـن النـاس فايـح
مساجدنا تشكـى مـن جفانـا = ومن غبار الزمن قامت تطايـح
عقب كنا علـى التوحيـد امـه = تقسمنـا أعاديـنـا شـرايـح
تقسمـنـا دول ولامـذاهــب = وكـلٍ صـار لثانـي نطايـح
عقب كانت لنا صولـه وجولـه = نذكى هالزمـن مثـل الذبايـح
عقب كانت لنـا ثـروة غنيـه = توقينـا مـن سمـوم ولفايـح
اشوف الغرب مص الخير منـا = ويحلبنـا كمـا حلـب المنايـح
عقب كنـا عقـب كنـا وكنـا = يكفي ما وصلنا مـن فضايـح
تنـادي يامنـادي مـن تنـادي = ماتسمعك الجنازه لـو تصايـح

التوقيع

عز الله اني فالوصل ماني بشي !! = ولا الحقوق .. اقولك عد واغلط !! دام المواجه حظ .. ويحالف الحـي = لابد مايحصل ( هلاوين وإقلـط ) زيـاد الـمـزرمـي ziadsm@windowslive.com

[عبدالمحسن الروقي]

صح لسانك يا زياد يا شاعرنا ونتمنى ان لا تبخل علينا بالجديد

[سلطان بن دحيم]

صح لسانك والله اني صادق

[نوآف الغنامي]

صــــــــــــــــح لســــــــــــــــــــانك ..

مدد بلا عدد

وبيض الله وجهك على هذه الدرر ..

..

التوقيع

تدرون ويش اكبر فخر بعد الاسلآم !! = ان النبي (طه) خواله عتيبه خــــيال الصفـــــرا سابقاً

[زياد المزرمي]

عبد المحسن الروقي

صح بدنك يالغالي

ومشكور على المرور العطر

دمت بخير وعافيه

[ابو فايح]

الله الله الله وش ذا الابداع

صح لسانك يازياد قصيده رائعه ومعبره جدا

[زياد المزرمي]

سلطان دحيم

صح بدنك يالغالي

ومشكور على المرور الجميل

دمت بود

[زياد المزرمي]

خيال الصفرا

صح بدنك يالغالي


ومشكور على الاطراء الجميل

دمت بخير وعافيه

[زياد المزرمي]

ابو فايح

صح بدنك يا بعدي

والابداع مرورك وتشريفك

تقبل مروري واحترامي

[فايز بن سرحان الثبيتي]

اقوله واعرف إن غيري يقولـه
لو إن الذل له طعـم وروايـح
بعضنا مايقـرب مـن بعضنـا
لأن الذل بيـن النـاس فايـح
مساجدنا تشكـى مـن جفانـا
ومن غبار الزمن قامت تطايـح
عقب كنا علـى التوحيـد امـه
تقسمنـا أعاديـنـا شـرايـح


زياد الشطيطي

ياسلام ياسلام


ظهور يليق بك


لا تحرمنا تواجدك الراقي



صح لسانك ملوووووووون

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن