يقطعك ياهرجٍ ليا قيل ماصاب

[حاوي الطيب]

بسم الله الرحمن الرحيم

هذه القصيدة قالها عندما تقدم به السن

يالله يـارب ّ ٍ علـيـم ٍ بحـالـي ياعالم ٍ عـدّ المخاليـق بحسـاب

تنظـر بحالـي ياعزيـز الجلالـي ياحامي أركان الحرم من ورا الباب

ياحيسفـي ياصقـر ياماجـرالـي محدن حسبلي تالي العمر بحسـاب

ماكن إلي يـوم ٍ خـلاف التوالـي نهار يبس الريق يـوم النّسـم ذاب

إليـا تقوّدنـا بـنـات العـوالـي بوسوق عيرات ٍ من القفل عصّاب

إمّـا نصينـا عـن ولاوعـالـي ولا تنصينا ديـار ابـن مشهـاب

بقفايهـنّـه مانـعـد اللـيـالـي وإقبالهن عجلات من خوف الاطلاب

ياما خذينا الحـق والحـق غالـي وياماعطينا الحق والحق غصّـاب

ويا مصبرنا تحـت شـد الرحالـي وياما تصيعبنا وزدنـا بالاصعـاب

ياعينـي اللـي للقطـر ماتخالـي إليا اختلف عن قطرها كل نصّـاب

ياعنـك ماجـا فعلهـا فالموالـي ولا قط دنّت في قرايبهـا الاسبـاب

الاّ ليـا جانـا النقيلـي يشـالـي ثم جـا للحـرب موقـد وشبّـاب

ولاّ إلـيـا ماريـعـن العمـالـي وجانا البرى مردود من يم الاجناب

يازين مصباحـي وراهـم لحالـي بمسلّبن يغدي دم الجـوف صبّـاب

مضرابها سير النحـر والكحالـي إمّا انثنـى ولا يدعثـر بالاعطـاب

كم مرقما ً بين الحريبيـن خالـي كلّن يباه وعنـه الاجنـاب هيّـاب

ترعـاه قطعـان ٍ عليهـن يلالـي المطرقين اللي على جرد الارقـاب

إليـا لقينـا نشرهـا بالمفـالـي قلطلها اللي ضاري ٍ بأخذ الاوجاب

ولحقوا هل البل فوق مثل السيالـي وجونا وجيناهم وجات أم غصّـاب

ولحقوا عليهن مهمليـن الحبالـي والمال زاعنّه عريبـات الانسـاب

وتواجهـت بمكرميـن السبـالـي والخيل من كزّ المغاليـب هـرّاب

نقفـي بهـن وردهنّـه عجـالـي يردون حوض الموت ماعنه مجناب

سيلوا بني عمي وسيلـو خوالـي ليا يبست القربه وتال النسـم ذاب

إن كـان ماقالـوا يفـك التوالـي يقطعك ياهرج ٍ ليا قيـل ماصـاب


الشاعر المعروف الشيخ / معجب بن فرج المغيري رحمه الله تعالى


مع تحيات الشاعر : جازي بن مفرح بن ناجي العطاوي (حاوي الطيب)

المعذرة إذا كان فيه نقص أو غلط

[محمد النفيعي511]

[ابورشا]

الله يرحم الشيخ والفارس معجب بن فرج رحمه واسعه ويسكنه من فسيح جناته


حاوي الطيب شكرا لك على هذا الموضوع الرائع ننتظر جديدك