قلبي علي عداد

[فهد مطلق العتيبي]

قلبي علي عداد 200 طبلون=
متهور السرعه وجرحه مسريه=
قطع اشارات الغلا وجاك مفتون=
واطلق حزامه من ضلوعن تغطيه=
عدا مرور الفكر مسرع ومغبون =
يشكي مسافات الزمان وبلاويه=
يصرخ وصوته يزفر الحزن مشحون=
وين الرفيق اللي تماد ابتغليه=
ياصاحبي لايلحقك شك واظنون=
اسمع وسمعني وش اللي امسويه=
قدام نصبح هرجة اللي يقولون=
وانعيش جرحن مانحصل مداويه=
جيتك علي وضح النقا ابعلم مكنون=
كلام دايم لك اجيبه واغنيه=
والله احبك حب صاحي ومجنون=
حبن تمركز بالحشا واستقر فيه=
اكثر من المليار والا الترليون=
حبك تعدا الحد ماقدر اوفيه=
وشلون ابا اعبر وانا منك مطعون=
الحرف ينزف والقراطيس تبكيه=
نور القمر لاغاب تشفق له اعيون=
اغيابه اشبه من ظلامه وطاريه=
اعيش ابه تايه واناديه مسجون=
كني سجين ومن ورا السور اناديه=
ابيه يفزعلي قبل ضيقة الكون=
قدام اموت من الغبن في حراويه=