ريم الفلا,,

[مصخر العوج]

الله أكبر يازماني كيف ابصبر من فراقه=الله أكبر يوم قفى والدموع يوعنه
ما بقى فاالقلب حيل وما بقى فاالقلب طاقه=غير وجدي والهموم اللي بقلبي مستكنه
ياوجودي وجد قرمً كسّرت دنياه ساقه=ما بقاله غير سود ايامه اللي ضيعنه
ما لقا اللي يرفعونه لا خوان ولا رفاقه=وان بغى يمشي كسيرً ضايعن من صغر سنه
ويا وجودي وجد شيخً عزوته بأغلى نياقه=بعد ما جا القوم غاره واحتموها غصب عنه
ان سكت نارً بجوفه وان شكى قالوا حماقه=ما له الا الصبر لو نيران صبره يحرقنه
الهوى شيً غريبً في ميوله واصطفاقه=فيه نهجً للخيانه والصداقه فيه سنه
ان عرف معنى الخيانه ما عرف معنى الصداقه=وان صدق في هرجته سود الليالي كذبنه
اه ياريم الفلا يارمز عنوان الرشاقه=كنه اوراق الشجر يوم الهبايب يطرقنه
اه ياريم الفلا والقلب ما يقوى اشتياقه=كيف غبت وتدري ان السج في ناظرك جنه
ليه تهديني ورود الحب من خديك باقه=والنهايه تتركين القلب للوحده تعنه
سامح الله من رضى للقلب همه واحتراقه=العيون تسامحه حتى دموعي سامحنه
واسمحولي لا بدا في كلمتي زل وطفاقه=واعذروني لا بكيت وجرت الدمعات ونه

مشاري الغبيوي

آخر تعديل مصخر العوج يوم 05-May-2009 في 09:43 PM.