الرئيسية التسجيل التحكم


اختيار تصميم الجوال

العودة   الهيـــــــــــــلا *** منتدى قبيلة عتيبة > منتديات قبيلة عتيبة - الهيلا > شعراء قبيلة عتيبة

« آخـــر الـــمـــشـــاركــــات »
         :: قواعد مهمة في علم الأنساب (آخر رد :نمر المزحمي)       :: مطلوبة قصيدة كديميس رد على الشاعر مساعد الرشيدي (آخر رد :أبو خليف)       :: مظلات وسواتر الاختيارالاول(مشاريع مظلات للمواقف السيارات-مظلات المدارس-مظلات الحدائق) (آخر رد :مظلات وسواترالاختيارالاول)       :: ياصاح انا في عالي الرجم عديت (آخر رد :ابو عبيــد)       :: ياكاسر الدرسعي في كل الاوضاعي (آخر رد :ابو عبيــد)       :: ياشيخ تنشدني عن اللي جرى لي (آخر رد :ابو عبيــد)       :: جيت الرسوم الباليه يابن عجلان (آخر رد :ابو عبيــد)       :: هل ستقف حرب أمريكا على داعش على ( داعش ) ؟! (آخر رد :ابو فيصل العطاوي)       :: شركة الاناقة الانشائية للمقاولات فرع المكيفات المركزى (آخر رد :التسويق النافذ)       :: غزة الإباء (آخر رد :أبو الوليد)      

إضافة رد
 
أدوات الموضوع انواع عرض الموضوع
قديم 16-May-2004, 06:40 PM رقم المشاركة : 1
معلومات العضو
مرزوق الجعيد

رابطة محبي الهيلا

إحصائية العضو






التوقيت


مرزوق الجعيد غير متواجد حالياً

Cool ياكثر كذب ام العيون الكحيلات(مجالسي)

بسم الله الرحمن الرحيم
السلام عليكم ورحمة الله وبركاته
اهدي لكم هذا المجالسي للشاعر الكبير\محمد بن تويم الثبيتي العتيبي(يرحمه الله)
ارجو ان يحوز علىاعجابكم
استلمو والله يعينكم على القرايه
[poet font="Simplified Arabic,5,white,bold,normal" bkcolor="transparent" bkimage="" border="ridge,5,indigo" type=0 line=350% align=center use=ex length=0 char="" num="0,black" filter=""]
ليلةوانا مرتاح بحلا منامي=جتني طموح النفس سر الغرامي
واوصتني احفض سرها باحترامي=لا يسمعن السيدات الاديبات
تقول انا جيتك من ارضن بعيده=واسمع ببو مطلق واحبه واريده
لعلنا نحيا حياة سعيده=ونعج في مستقبل الوقت عجات
قلت اجعلي صدقك يغطي مزوحك=وانا الطبيب الي يداوي جروحك
بس اخبريني عن حياتك وروحك =بالله من ايات النحايا والامات
قالت يرانيه ومن ديرة ايران=جابتني الاقدار من ذيك الوطان
قلت الغصون تميل والعود ريان=ياكثر كذب ام العيون الكحيلات
قالت عراقيه ومن ذيك الاقطار=وادرى على ذا الروح من كل غدار
قلت اه يا ريم الفلا منك مكار=ياكثر كذب ام العيون الكحيلات
قالت تراني من بلاد الشوامي=من سوريا قلت اتركي هالكلامي
يابو نهودن مثل تفاح شامي=ياكثر كذب ام العيون الكحيلات
قالت تراني من هذيك النحيه=من ناحية عمان الارض الهنيه
قلت اعتقد منتي صحيح اردنيه=ياكثر كذب ام العيون الكحيلات
قالت تراني من قطر ياثبيتي=هات القلم واكتب لك اوصاف بيتي
قلت اختبرناك وعن الصدق ابيتي=ياكثر كذب ام العيون الكحيلات
قالت خذ الصدق وخذ اقصى الحقيقه=امن الكويت الي بلدكم شقيقه
قلت اثر ساعتكم تقدم دقيقه=ياكثر كذب ام العيون الكحيلات
قالت خذ اعلومي وسجل خبرها=من توس الخضرا سقا الله ديرها
قلت الثريا لا تغالط قمرها=ياكثر كذب ام العيون الكحيلات
قالت نبا نقنع مجيبن وسايل =من ليبيا ياخي ويش انت قايل
قلت السفاره تبعث النا رسايل =ياكثر كذب ام العيون الكحيلات
قالت نبا نقصر لك العلم قصرا=واليا بغيت الصدق من شعب مصرا
قلت ابني من الكذب عشرين قصرا=ياكثر كذب ام العيون الكحيلات
قالت عسا رب الملا يصلح الشان=منشي سحاب الغيث من غر الامزان
لن سلتني يا خي من شعب لبنان=يلي تسب ام العيون الكحيلات
قلت الحذر من كن فارضن وسنه=ياما ركبنا الخيل من غير اعنه
يجب علينا الحرص من كيدكنه=في وقتنا الحاضر وفي كل الاوقات
امشي على مهلك وانا امشي بمهلي=ياحلوة الخدين وان سمعو اهلي
اخاف ما يلتم شملك وشملي=قلته وقالت ليتها كان ما جات
حبك كوى قلبي وهشم ضلوعي=تناول المنديل مسح دموعي
قلت ابشري مولاك ماهو جزوعي=وانا من ارجال(ن)تحل المهمات
بكره يبي يخطبك امير(ن)بدالي=ناصر بن معمر كريم السبالي
قالت صحيح انه عزيز(ن)وغالي=لكن ما مالتله النفس ميلات
قلت امطر اخيالك وسيلك نحاوي=لا تحسنين الضن في كل غاوي
عبد العزيز ابن معمر غناوي=قالت عنه قلبي ضرب له نحيات
قلت الله ينسيك همك وهمي=ابا العلا مانع تراه ابن عمي
قالت كفو لكن ماهو بيمي=يقلون ما نع ما يبا الاجنبيات
قلت اتركي ثلثين الاحزان والضيم=رضيتلك فضيلة القاضي اغنيم
قالت تراك اتعبتني يا بن اتويم=وانشبتني في خط كله ملفات
قلت الشريف حسين لن جاك ضني=راعي هروج(ن)مثل هيل(ن)وبني
قالت من يدق الطبول ويغني=قلب الشريف يميل يم الشريفات
قلت ان هداك الله يا عسل ذايب=يقلون يحي شاخ ماهو بخايب
كنه ولد وان كان اريتيه شايب=قالت عذلنا عن ملايين وميات
قلت ارقصي فوق الغصن يا حمامه=لقيت شفك من رجال الشهامه
ياسين راعي فلة(ن) في السلامه= قالت علومي عن علومه بعيدات
قلت اه يا ضبي عديم الوصايف=دنياك يالغالي مثل من شايف
طلعت تورى فيه والا انت عايف=قالت ماسب اهل الشرف والمروات
قلت الشرف موجود والعز ضافي=ذكرتلي شخص(ن) لبوسه رهافي
اسمه جمال الزمزمي السنافي=قالت شربنا الما من الزمزميات
قلت اشكل اعلومك طوال عراضي= الغايه ابا ارضالك اسراج قاضي
قالت على صرف النظر والتغاضي =نخط لك بقلامنا عشر مرات
قلت الحميدي لا يفوتك نصيحه=انكان اثر نيتك معنا صحيحه
راع الصحن في حلته والذبيحه=قالت كفو مير العذارى كثيرات
قلت العفو نسيت واليوم ذاكر=من راينا نعطيك محمود شاكر
قالت نرد الك الخبر صبح باكر=والعين تشر والسراير خفيات
قلت احسني ضنك وقلبك دليلك=عبدالله اقصير يبا يستويلك
واليا استويتيله يسجل دليلك=قالت قلوب اهل المحبه سجلات
قلت اثر سوقك مصدر للخساره=ما ناسبوك موضفين الاداره
قالت شرفنا ما يباع بسجاره=لو كيدكم يرجح بكيد الزكيات
قلت اصطفيلك واحد من ازملايه=والكل مشكلته بعدها الهدايه
جارالله السواط فيه الكفايه=قالت وجع لا يسمعن الفتيات
قلت العصيمي من رجال الشكاله=اخذيه قالت مافتني جماله
ياخذ له اعصيميتن شف باله=ما عاشر البدوان غير ابدويات
قلت الجعيد الضاهر انه شفيه=ابن طنف راع العلوم النقيه
قالت دخيلك لا تدله عليه=اقر عليه الفاتحه والتحيات

[/poet]


القصيده باقي منها 30 بيت تقريبا ولكن سوف اكملها في وقت لاحق
واعذرونا على التقصير
وتقبلو تحيات
اخوكم ومحبكم















التوقيع
مهما يجيك أمن الـردى مـن رفيقـك"="حاول تغاضى والردى لايجـي منـك
ترى رفيقك لو وقـف فـي طريقـك"="مثل الرصيد أن زاد وأن قّـل بالبنـك
وأعرف عدوك قبل تعـرف صديقـك"="ومن مايحس أبضيقتك مـادرى عنـك
ولاتيّدالمخطـي لـو أنــه شقيـقـك"="وش عذرك من اللي على أيسرك ويمنك

اضغط على الصورة لرؤيتها بالحجم الطبيعي
رد مع اقتباس
قديم 16-May-2004, 07:41 PM رقم المشاركة : 2
معلومات العضو
فهدمتعب الجعيد
عضو فعال
إحصائية العضو






التوقيت


فهدمتعب الجعيد غير متواجد حالياً

افتراضي سلمت يابن العم

السلام عليكم اخي العزيز تكملت القصيده موجوده عندي اذا لم تكن عندك كذلك رد الشاعر ثواب بن طنف على هذه القصيده اشكرك جزيل الشكر على التكرم بزيارتك لديوان الشاعر ثواب بن طنف الجعيد واشكرك على تنسيق القصيده واخراجها بطريقه جدا راقيه واعدك بالمزيد .


اخيك
متعب بن ثواب الجعيد















رد مع اقتباس
قديم 17-May-2004, 03:50 PM رقم المشاركة : 3
معلومات العضو
مرزوق الجعيد

رابطة محبي الهيلا

إحصائية العضو






التوقيت


مرزوق الجعيد غير متواجد حالياً

افتراضي الله يسلمك من كل مكروه

الاخ متعب
القصيده موجوده عندي تكملتها بس الوقت ما ساعدني على تكملتها
اما بالنسبه لرد الشاعر ثواب الجعيد فلا علم لي به وارجو نشره على هذا الموضوع او على ديوان الشاعر ثواب
وبالنسبه لتنسيقي للقصيده بديوان شاعرنا الكبير فلا شكر على واجب وانا تحت امرك وارجو التواصل معي على الماسنجر
abu_nawaf_2003@hotmail.com
اخوك















رد مع اقتباس
إضافة رد

العلامات المرجعية


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن »06:25 PM.


 Arabization iraq chooses life
Powered by vBulletin® Version 3.8.2
.Copyright ©2000 - 2014, Jelsoft Enterprises Ltd
اتصل بنا تسجيل خروج   تصميم: حمد المقاطي