قصيدة ناصر المرشدي(اهل عمهوج) وردي عليها

[نايف ابن حديد]

عرفنا من الزراع وش يعني المنتـوج=وعرفنا من الحصاد وش ناتـج الكـده
بنينا من الخوه مع اهل الفعول بـروج=بحيـل الله المعبـود ماهيـب منهـده
من التبر مخملها مع خيوطها منسـوج=ورا زودت الايـام تــزداد فالـجـده
عرفنا موازين العـدل فالليـال العـوج=هل الفعل والردات فـي حـزه الـرده
مقابيس غدرا فالملاقا حمـول سـروج=لهم صيت من صيت المهند ومن حـده
لياهاج موج البحر منهم يهيـد المـوج=زحولِِ تبيـن بفعلهـا ساعـه الشـده
شهود الحقايق واضحه والهروج هروج=وتاريخهـم ترويـه الايـام وتـعـده
بليا قصورً فالقبايـل ياهـل عمهـوج=لكم تنشر البيضا من الشـرق لاجـده

الرد

ترا ماعليكم زود يانصرة المحروج=عليكم يساق الطيب لامن زكى نده
لكم وقفتن حره لياضد فوجٍ فوج= لاجت خيلكم مثل القرانيس منهده
قبل عصر لايذن نصيب ويروج الروج=لكم نجد دار المجد بالعز ممتده
سراحين نجد اللي تبوج الخرايم بوج=ولاهمها موج البحر جزره ومده
من اشتد فيكم توردونه على هيدوج=وراع الخطية تاسمونه على خده
سطا روسكم يآلاد مرشد معه ممزوج=كرامه وعرف وخوةٍ جزله وسده
تراكم عصايب روسنا عن هبوب الهوج=وحنا ممدكم حزة الميل والضده
اقوله وانا مانيب في مدحكم مفلوج=لو اختلفت الدنيا ولو طالت المدة

[@ـايل]

المرشدي:
شهود الحقايق واضحه والهروج هروج***وتاريخهـم ترويـه الايـام وتـعـده
بليا قصورً فالقبايـل ياهـل عمهـوج***لكم تنشر البيضا من الشـرق لاجـده

نايف:
سطا روسكم يآلاد مرشد معه ممـزوج***كرامه وعرف وخـوةٍ جزلـه وسـده
تراكم عصايب روسنا عن هبوب الهوج***وحنا ممدكـم حـزة الميـل والضـده
اقوله وانا مانيب في مدحكـم مفلـوج***لو اختلفت الدنيا ولـو طالـت المـدة


ياسلااااااااااااااام ...

رديه جزله ...كفو ..

صح لسان / المرشدي وصح لسانك يانايف ..

ولاهنت والله يعافيك...

...........

التوقيع

تويتر : AlHooL@

[سلطان بن دحيم]

صحة السنتكم


والله ونعم بالعضيان والمراشده يستاهلون المدح

[محمد العتيبي]

صح لساااانك مدد ياوافي ..

امتعتنا بروعة ما نقلته لنا ..

تحيتي لك
...

التوقيع

للتواصل عبر twitter تويتر al_bargawy@

[فايز بن سرحان الثبيتي]

ناصر المرشدي

نايف بن حديد


صحت قلوبكم


عز الله كفيتوا ووفيتوا


كلام من ذهب

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن

[سند العتيبي]

قصيدة جزله

ورد جزل

شعار صحت السنكم

[بندر المرشدي]

صح لساااااااانك مدد بلا عدد


وصح لسااااااان ناصر المرشدي


كلاكم شعراء مميزين



بيض الله وجيهكم

التوقيع

يامنتـدى الهيـلا علـى العـيـن والــراس=صــدري وسـيـع ومــن مـعـزتـك مـلـيـان لبـسـت مـعـروفـك مـثــل ثـوبــي لـبــاس=وزرعت لـك فـي داخـل القلـب بستـان الله يبـيـض وجــه مــن ثـبـت الـســاس=وحط الـك مـن فـوق العناويـن عنـوان اســم ومسـمـى خـتــم جـــودة ونـبــراس=يـسـمـع بـــه الاصـقــه ويـــرآه عـمـيــان مـــــا يـنـتـقـيـم بـالـجــواهــر والالـــمـــاس=ولا يـغــمــره بــحـــر الــقــوافــي والاوزان :: ديواني من إعداد الزميل/ عمر الدغيلبي ... بيض الله وجهه

[منصـ النفيعي ـور]

صح الله السانك ياا نآيف


و صح الله السان ناصر


ابدعتوآ يا وافيين




ربي يحفظكم

[علي فلاح العضياني]

بيض الله وجهك


يا نايف عزّ الله عطيتهم حقّهم


و يستاهلون ما جاهم من المدح



و أنا كنت ابا ارد


لكن ما بعد ردّك هذا


إلاّ بيض الله وجهك و انت خير من يمثّل العضيان


تحياتي

التوقيع

(( رأس الحكمه مخافة الله ))

[معجب العتيبي]

صح لساااااااانك مدد بلا عدد


وصح لسااااااان ناصر المرشدي


كلاكم شعراء مميزين



بيض الله وجيهكم