اختلاف الوقت مايجلب افراح وسرور ..!!!

[ناصر الجلاه]

..

بسـم رب عالـم فـي حفـيـات الـصـدور=جـل عرشـه خالـق الكـون بـره وبحـره
ربنـا اللـي نعبـده قبـل نسكـن فالقبـور=صالـح الأعمـال منـا .. ومنـه المغفـره
وإن غلبنا .. الجهل .. والطيش بأسباب الغرور=رحمتـك قبـل المنيـه وكثـر الغـرغـره
يالله إنـك تحسـن الخاتمـه عنـد الحضـور=يـوم مالـي غيـر اهلـل بذكـرك واذكـره
ويالله إنـك لاتخيـب رجـاء عبـدٍ شـكـور=عايـشٍ يسجـد ويركـع بسـره وجـهـره
طمعته بالفـوز فـي جنتـك يـوم النشـور=ماتمنـى فـي مـتـاع الحـيـاه المـدبـره
لابرق برق المشاعـر وانـا سيلـي حـدور=روحـت مـزن المعانـي مـزونٍ ممـطـره
يالبيب العقـل اخذلـك مـن الاشـوار شـور=لاصخرت القـاف غيـرك صخـره ويشقـره
التواضـع مـن مكـارم طويليـن الشـبـور=والتكـبـر فالبـنـادم طبيـعـه مـحـقـره
الرجـل بالطيـب يبنـي عظيمـات القصـور=الرجـال لصـادف الوقـت دايــم تـذخـره
إن بـدا كفـا ولـبـا صعيـبـات الأمــور=الجـزالـه منبـعـه والجـمـوع تـقـدره
المراجـل ماحماهـا رجـل ماهـو صبـور=علـم اللـي يـزرع البـر ويحصـد الـذره
الذهب من مصنعـه فـي وصوفـه مايبـور=لو يـدور الوقـت مايختلـف فـي مظهـره
لاتحسـب العمـر ببـلاش فالدنيـا يــدور=الأراضـي مستديـره علـى شكـل الـكـره
البطـون عيالـهـا مايشـابـه للظـهـور=لاتقـول العلـم معـروف بطنـه وظـهـره
الهـوا غيـر ملامـح صلافيـح الصـخـور=والنسانيـس العليـلـه نسايمـهـا غـبـره
اختـلاف الوقـت مايجلـب افـراح وسـرور=آه وشيبـي مـن الوقـت ياشيـن دهــره
وأنـت ياللـي تنقـل سـلاح لايمكـن يثـور=ماذبحـت النـاس بسلاحـك اللـي تشهـره
خلهـا طلقـة عيـٍل ماتصيـب الا النـحـور=التجـارب تجبـر العظـم يالـلـي تكـسـره
مابقـا للشعـر واهــس ولا ذرة شـعـور=الجـزل مـن يذكـره والـهـزل يامكـثـره
ضـاع بيـن النـاس يالله تكافينـا الـدبـور=الرجل ((يقصد )) على شـان ((تصفيقـة مـره))
التصنـع ماخفانـا علـى مــر العـصـور=اعـرف أهـل الميسـره دربهـا للميـسـره
كيف اجامل فالعور والعيون العـور.. عـور=مايفيـد الهـرج لا صـار مافـيـه ثـمـره
الحقيقه حق واضح وحمـل الجـور.. جـور=والهـلال هـلال فـأول وفـي تـال شهـره
والنهايـه سجلـت بالقلـم فـوق السطـور=من ضميـر الشاعـر اللـي بعرفـه حـرره

[/quote]

التوقيع

القصيد اللي معانيه وبيوته = بالاشاده والشهاده يمتلكها ماكسبها من تحت كمه وكوته=لارسمها بالهواجيس وحبكها جمل الله حال من جمل ثبوته = وانتخى دون الجميله ماتركها كل متذوق لنا يدلي بـ/صوته=السعوديه .."حمد" (شاعر ملكها) آلف آلف مبروووك لقب شاعر الملك يا د. حمد العصيمي لتواصــل على الايميــل الجديد n200m@hotmail.com

[طلال ناشي]

كيف أجامل فالعيون العور دام العور عور .................................... مايفيد الهـــــــرج لاصار مافيه أثمره صح ألسانك وعتلا شانك مدبع بدون مجامله ياناصـــــــــــر تقبل تحياتي ومروري

آخر تعديل طلال ناشي يوم 28-Apr-2009 في 11:13 PM.

[فواز علي الروقي]

صح لسانك لاهنت على ماقلت
تقبل تحياتي

[أبو نجر النفيعي]

..

صح لسانك ملايين يا ناصر ..

أنشهد أنك مبدع وقصيده ما تتوصف بجزالتها وجمال سبك بيوتها ..


وصح لسانك مره اخرى

التوقيع

.....

[محمد بن رشيد]

ناصر


لله دررررك


على هكذاا شعر !! وصح لساااانك اي والله


لاهنت
لاهنت

تقبل مروري

التوقيع

ياناشد ٍ عن عتيبه تعرف اعتيبه =قبيلة ٍ تظهر المسجون من سجنه ! قوم ٍلها العزّ والامجاد والهيبه =وتشهد لها الناس ( قبل العرض واللجنه )! واللي تشوفه على (الصحرا ) نماريبه =هذاه مترك سليل المجد ابن حجنه ! mrm@mergab.com

[محمد صالح العطاوي]

صح لسانك ياناصر
مبدع بمعني الكلمه
وقصيده رائعه وبيض الله وجهك

[ماجد العصيمي 511]

,,







ابــــداااع ياناصــر ابـــدااع







لا تحــرمنا جــديــدك

[سلطان بن دحيم]

صح لسانك

مبدع لاهنت

[حاكم الغنامي]

صح لسانكـ


ولاغرااااااااابه جزل ولاتجيب الا الجزال

التوقيع

سبحــــان الله وبحمدهـ hakem81@live.com

[عبدالله الجـــذع]

اي والله

ناصر الابداع

نظم مبدع محاوره مبدع

انت من يجلب الابداع اينما تحل

صح لسانك حتى ترضى يالامير

محبك
.,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا