قالوووا عرب

[عبدالله بن طلال]

يسرّني أن اتواصل معكم بقصيدة لاتحتاج لمقدمة..

وأودّ المعذرة في حال التقصير او الأخطاء ..


( قالووو عرب )

في سوق ماحدن يفتح (السوم) بريال = والأرض (عُمله) والاوادم (عموله)
ناديت لـ(إثنينه وعشرين) دلاّل = من عالم إثنينه وعشرين دوله
معي بضاعه للعرب تُضرب امثال = لأوّل سلاح إستخدموه بسهوله
عقب السلاح المزدوج سيئ الفال = هذا (برخصة) ثابتة وامحموله
راعيه الأول من مشاهير الابطال = فايز على (بوش الولد) بالبطوله
يوم الامريكي قام يزهى ويختال = سدّد لخدّه وحدة(ن) من نعوله
وشفت العرب من كثر ماذاقوا إذلال = سمّوا على اسمه وارقصوا واهتفوله
(أمحق) عرب وامحق طموحات وآمال = ان كان هذا نصرنا اللي سعوا له
وش عاد اقول؟ وما بقى شيء ينقال! = الهرج يقصر والقوافي خجوله
والحال مايل والعرب ليلهم طال = والوضع مزري والامور إمعفوله !
وحنا نقول انّا طحاطيح وارجال = (حسَب) ، مقاييس العرب للرجوله
تثبت رجولتنا:(بطاقات)الاحوال = والدّم راهي فيه : ( جين ) الفحوله
وكل(ن) على ليلاه يسري بموّال = وكل(ن) على عمياه يشعب ذلوله
متى تصير اوضاعنا عالي العال ؟ = ومتى الكلام اللي نقوله نطوله ؟
نحتاج حلّ ولو حصل بألف حلال = من راس (عبدالله) ترى الحل حوله
قايد بطل صنديد شغموم رجّال = جعلي فداء قلبه وراسه وزوله
و وليّ عهده دام عزّه ولا زال = (سلطان) سيف(ن) ماضياتٍ فعوله
ان قام قمنا له خفيفين وإثقال = ناخذ على العدوان صوله وجوله
معه مثل سيل(ن) من الجال للجال = من ماه وديان الكبود مغسوله
أمّا انطلق منّا الوجع (طلقة إعقال) = وما نرجع الاّ والأمور إمحلوله
ولاّ تصير اقوالنا دون الافعال = ونبقى عن العالم شعوب امعزوله
رجّالنا: ماعاد يشرب بفنجال = يصبح ويمسي عورة(ن) في هموله
قلته وعندي حل واضح وفعّال = نتبع كتاب الله وسنة رسوله
وانزيّن النياّت وإتزين الاعمال = ويصير يوم بقوّة الله وحوله !
والمسألة لو هي على فردة إنعال = تلقى العرب كل(ن) مضيّع نعوله !!

[ابراهيم الزراقي]

صح لسانك يامبدع

قصيده جميله

الله لايهينك

[علي فلاح العضياني]

الله الله



قصيده معبّره بكل ما تعنيه الكلمه



صح لسانك يالغالي

التوقيع

(( رأس الحكمه مخافة الله ))

[محمد العتيبي]

الله الله الله

شموووخ وروعة في هذه القصيده الواقعيه

صح الله لساانك وفكرك يالغالي

تقبل إعجابي
...

التوقيع

للتواصل عبر twitter تويتر al_bargawy@

[عمر الدغيلبي]

صح لسانك يا عبدالله

مدد مهوب عدد

وبيض الله وجهك حتى ترضى

التوقيع

في منتدى الهيلا زحول الرياجيل = بيت القبيله و النشاما إرواقه يزينه حرصه لزين التماثيل = ويجمله نبذ العلوم الدقاقه

[عبدالله بن طلال]

صح بدنك يابراهيم




والابداع بوجودكم الله يسلمك




دمت بكل خير

[راعي البلهـا]

صــــــــح السانك
الله يعافيك


ولو اني ارى كما قال
عمر نحن قوم.................

[عبدالله بن طلال]

صح بدنك يابو فلاح




ولاهنت ياغالي




وتقبل خالص تحياتي

[عبدالله بن طلال]

مشرفنا القدير/ محمد العتيبي




صح بدنك وشرفتني بمرورك لاهنت




لك خالص الودّ والتقدير

[عبدالله الجـــذع]

ابو طلال

ماشاء الله

يكتب بمخيله الماسيه

الله لايضرك

انبسط ليا شفت لك قصيده جديده

لاعدمناك ولاعدمنا ماتكتب

جدا راقت لي

ننتظر جديدك

محبك
.

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا