قصيدة ملتقى قبيلة عتيبة

[عادل الأسعدي]

ا

لسلام عليكم ورحمة الله وبركاته

قصيده ارى انها تليق بهذا المنتدى الشامخ ومناسبتها غاليه على قبيلة عتيبه الا وهي ملتقى قبيلة عتيبه لمزايين الابل وارجو ان تنال استحسانكم

سلام تسليم الحيا عقب الأمحال=تسليمت" تاصل لروس الرياجيل
أبديبها جزله وأنا رايق البال=من طيبها تبدي كما الجدي وسهيل
أقرب تواصيف الروايا والامثال=أعذب من النهرين وأغزر من النيل
تاصل هل الطالات رجال رجال=لا ماتعدى فالمطانيخ حلحيل
ربعي عتيبه فالمكارم لها فال=مشهورة" بالطيب ذباحت الحيل
لطامة العايل ليا جاك عيال=والند لن عاند يذوق البهاذيل
وديارنا ماتحسب ألا بالأميال=من غطغط المشرق ليا رهاط بالميل
عسى صدوق الوسم من فوق همال=يسقي ثراها بالمزون الهماليل
وربعي لهم في هامة العز منزال=ربع السعد ربعي رجال" مشاكيل
ولو أذكر اللي للقبيله من أفعال=مااحصي فعايلها على الجيش والخيل
لكن ابااشكر من تبرع بالأموال=لااجل القبيله مايباله محاصيل
ولسعود بن أحمد تحيات الابطال=الأسعدي شال المزاين لنا شيل
صخر جهوده للقاء وارخص المال=ووقف لنا بالحال والجاه والحيل
ذكره على كل المراقيب جوال=واسمه يبا يذكر لجيل" بعد جيل
وصلاة ربي عد ماقايل" قال=على النبي وعد ماسال من سيل

أخوكم / عادل الأسعدي