يستاهل الفنجال الاول ليا سيق

[حمدان المقاطي]

بسم الله الرحمن الرحيم..

مصافحه اولى..اتمنى ان تنال استحسانكم..

يا طارقين أبواب شعر المقاطي=عنكم ترى البيبان ماهي مغاليق
شرعتها حشمه بدون اشتراطي=واعجابكم فيها من الله توافيق
حتى ايش لو اني خذيت إحتياطي=الكامل الله والخطا للمخاليق
واللي يرسيها على كل شاطي=يستاهل الفنجال الاول ليا سيق
وأنا يزيد بكل غبه نشاطي=اغوص والامواج خلفي مفاهيق
قوي عزم وللمهمات ساطي=وليا بغيت الدر جبته صناديق
واللؤل والمرجان ملئ الشناطي=واقدمه لأهل الوجيه المطاليق
اللي لعل الله يزيد ارتباطي=معهم واخاويهم لروس الشواهيق
ونبعد عن اهل الحكي واهل الهياطي=قوماً إذا تبلابهم فأنت في ضيق
وختامها الخايب لحمى رهاطي=اللي ورى الغافل علومه تلافيق..

وسلامة الجميع