خلووووووها

[ابو بندر]

سلام من هاجس لا قال خلووووها=ما يعرض الا جواهر جوف بترينه
تحتار في ماسها الغالي ولوووولوها=غالي ومعروف سعره في موازينه

[صقر جعيد]

يامرحبا ياهلا والنفس سلوها = ياشاعر دايم ديني على دينه
الغالية غالية لو كان غلوها = ياليت راع الذهب يفتح دكاكينه

[ابو بندر]

بقيت وهل المكاسب يوم نالوها=فقلوبهم سعرها بلحيل مغلينه
ترى عقود الذهب لوكان صاغوها=مايمتلكها الفقير وتهتني عينه

[صقر جعيد]

ياليتهم في توالي الوقت فلوها = يقولها واحدٍ ماهم بمعطينه
مافكروا في مرارتها وحلوها = يازين علم الحقيقة مع براهينه

[ابو بندر]

ياراكب الباخره غترتك بلوها=من بحر الامواج من ملحه ومن طينه
وليا هدا الموج ذيك الدار وصلوها=والنوخذا جر مواله وتلحينه

[صقر جعيد]

وياطالب الماء ترى قربتك ملوها = كم واحدٍ من قراح العد مسقينه
ماظنتي ياطويل العمر دلوها = مدام علم المعنى فيه تخمينه

[ابو بندر]

انموت والنفس ما بالذل ذلوها=ناس على غير علم الدرب ماشينه
والجزله الها مطانيخ تولوها=لهم علم فوق راس الريع مبدينه

[صقر جعيد]

هقيت لك هقوتٍ والناس زلوها = الله وأكبر على ذاك وشياطينه
وأهل الشجاعه سيوف الحرب سلوها = الحد من يمهم ياذيب حامينه

[صقر جعيد]

أبو بندر

بيض الله وجهك تشرفت بمجارتك

لك كل الأحترام

[ابو بندر]

صقر جعيد
وجهك ا بيض يا النشمي
اسعدني لقائك
تقبل تحياتي

آخر تعديل ابو بندر يوم 29-Mar-2009 في 12:22 AM.