الليل ياشعار المنتدى

[ماجد العصيمي]

ياكثر من فالمنتدى شعار = ابا واحد ياخذ ويعطيها
الليل ياشعار شبو نار = والفاهم من حلل معانيها

[ماجد العصيمي]

المشاركة الأصلية كتبت بواسطة شبل مرجحين الموازين

ياكثر من فالمنتدى شعار = ابا واحد ياخذ ويعطيها
الليل ياشعار شبو نار = والفاهم من حلل معانيها

المجال مفتوح للجميع ولا اخص احد معين سواء اعضاء ولا مشرفين

ومرحبا ومسهلا

[طــارووق]

عطنا علومك كان معك اخبار

من جابها يقدر يوديها


السوق مليانن من التجار

وبضاعتك ماشفت خافيها

[ماجد العصيمي]

امهاجرن ولا مع الانصار = ماالد عيوني في مقفيها
يمكن بصرك اقوى من الابصار=ولا البصيره ربي معميها

[صقر جعيد]

صح لسانك ياشبل

وصح لسان طاروق

متابع لكم

[ماجد العصيمي]

صح بدنك يا صقر

شرفني مرورك

[طــارووق]

المسلم اللي يطلب الغفار = يوف الصلاة اللي يصليها
ان كان كشافك بدون حجار = ريّح و لا تسري غداريها

[ماجد العصيمي]

العالم الله تكبر القصار = ماندري الدينه توفيها
ياشاطرن من جملة الشطار = خمخمتها لكن مخطيها

[طــارووق]

لا واحليلك ياحمام الدار = روس العوالي ماتعديها
لا كبرت الحبة على المنقار = ازرت مناقرها تعشيها

[ماجد العصيمي]

بيني وبينك محكمين الشار = وتصومع الارنب باذانيها
ياساتر استر ستر ياستار = الورع وين اهوه مفليها