((الرجل تكفيه فالدنيا تجاريبه))

[سلطان بن دحيم]

السلام عليكم ورحمة الله وبركاته
احب اهدي لكم هذه القصيده لعلها تنال اعجابكم

يا بداح مجلس هل الدقات ماليبه = اخذت عبره من اللي صار فالماضي
حتيش لو يبتسم ويزود ترحيبه = لا بد من كلمة(ن) تزعلك يالراضي
يجيبها كنها مزحه بأساليبه = وهي كلها من لعانة قلب وابغاضي
وأليا لطمته ضحك بسنون تركيبه=ثم قال انا امزح معك وش فيك مغاصي
وأليا تركته مصيبه واكبر مصيبه = يغلق الصدر ضيقه عقب ما غاضي
لكن ترا الحل يا بن العم تجنيبه = وتركه على وجهته يرثع على الفاضي
عليك باللي قليلات(ن) عذاريبه = اللي عصمه الولي عن نهش الاعراضي
أليا نصيته تحفوابك ومن طيبه =حرص(ن) على راحتك بالحيل ويحاضي
هذاك ودك يا بن عمي بتقريبه = وتبعيد ناس(ن) تجي من تحت الانقاضي
ناس(ن) لها خبرة(ن) فالهرج والغيبه = وعلومهم قال عايض فبن عواضي
والرجل تكفيه فالدنيا تجاريبه = وانا خذيت العبر من وقتي الماضي

[أبو مصلح 511]

سلطان صح لسانك يا ذيب


قصيده جيده


الله يعطيك الف عافيه

[فواز علي الروقي]

صح لسانك لاهنت
تقبل تتحياتي

[سلطان بن دحيم]

ابو مصلح 511

صح بدنك وشكرا لك على التكرم بالمرور

تحياتي

[سلطان بن دحيم]

فواز الروقي

صح بدنك والله يطول عمرك

[سعود بن سعد الحافي]

صح لسانك يالشاعر سلطان

معاني جميلة

سلمت وصح لسانك

مع التحية لك

،،،،،،،،،،،،،،،،،،،،

[سلطان بن دحيم]

الاخ سعود الحافي


صح بدنك وشكرا على المرور

تحياتي

[معجب العتيبي]

صح لسانك يابو دحيم


قصيده جزله

التوقيع

[سلطان بن دحيم]

معجب العتيبي

صح بدنك والله يطول عمرك

تحياتي

[نوآف الغنامي]

صح الله لســـــــــانك ..

قصيد جميله جدا تحمل معاني جميله ..

من اجمل القصائد التي مرت علي ..


..