الضيـــــقة اللي دايم

[غازي الهيلا]

بسم الله الرحمن الرحيم


السلام عليكم .


الضيقة اللي دايما تالي عصيـــــــــر

وش حيلتي واردها لا تجينــي

لا طل ظل العود حزة عشا الطيـــــر

كنها على سجن الحديد تحديني

يضيق صدري كل ما جات واسير

ولا يخفف سوج رجلي حنيني

لا حولنا مشراف ولا أقدر اطيــــــر

يالله قسمة خير لا تبتلينـــــــــي

وعقارب الساعه توقف عن السير

ولكن في الدوحة سواتي حزيني

والعبرة اللي تاصل الحلق وتحيـــــر

يا قربها لو قيل لي يا عوينـــــي

أمل شوف الناس ورد ومصاديـــــر

واللي يقول وش فيك كنه يهجيني

يعني على ما قيل ما باب تصويــــر

لا أحدن ابي قربه ولا حدن يبيني

اروح أدور خط ما به دواويـــــــــر

وادور اللي هادها تهتدينــــــــي

واخذ مع الهاجوس سجه وتفكيـــــر

واراجع اللي فات بيني وبينــي

واحسب ذنوبي وادور لتكفيــــــــر

عساي ما قصرت في والدينــي

وعساي ما قارنت من ينفخ الكيـــر

واللي يحمل المسك جعله قريني

ويطري علي يوم الحشر واطلب مجير

ما أعطى كتابي في شقيقة يميني

ويطري علي صدقان كثر الدنانير

اللي تعاديني إذا كثر دينـــــــي

وراعي الهروج اللي سواة المناشير

أصد عنه وأدري أنه يعنينــــــــي

الله حسيبه يوم عرض القواريـــــر

والله حسيبي من صواب مكينــــي

والا طرأ لي واحد كأنه صغــــــير

أما اصغر بيومين والا سنينــــــي

عرفت وش قومي وعينت تفســـير

للضيقة اللي من زمن تعترينــــي

حبه في صدري سالفة حب في بير

وكأن الفؤاد يقول هذا زبينــــــــي

اشفق على علم يجي من من ضيـر

ولا يسمع اللي سولفوبه ونينـــــي

يا كثرهم غيره ولكن خبر خـــــير

ما غير شوفه في الوجود يهنينــي

رأي كذا يا عاشقين الغناديــــــــــر

ماله على وجه البسيطة وزينــــي

العام اجيه من حساب المساييــــــر

واليوم حال عداه وينه ووينـــــــي

خطاي تعليق الأمل في المدابيـــــر

الين راح وشفت حقري بعينــــــي

صبراً جميل وخابراً أنها مقاديـــــر

والله على تخفيف حزني عوينــــي

ذي حالتي لين تغبى الشمس و اصير

معطن سراحي عقب ما ني سجيني

والا امتلئ جوف الشجر بالعصافــير

طلبت من رب العباد يهدينـــــــــي

يعتقني المذن عقب ضيقة عصيـــــر

اللي على سجن الفراق تحدينــــــي

*************************************



فطيس المري

وانا اقول تالي عصير وتالي كل وقت

[ابو محمد الدعجاني]

ماجور ياللي من فراقك تعلمت= الزمن يومين طيب وخيب
فاجاتني بمفارقك ماتولمت=كذا بدون اسباب عني تغيب
مامت من فرقاك لكن تالمت= وشيبتبي ياصاحبي قبل اشيب
اظحك واسولف وان لحقني سهر نمت= لكن قسم بالله مانيب طيب

ياقو قلبك على الصده وياصبرك= وياوسع صدري على صدك وياصبري
وياطول عمرك بذاكرتي وياكبرك=وياشيب عيني بشيب عاد ذاكبري
والله لون حمل صبري فوقك لتبرك= ووالله لون تعتذر منتب على خبري
اما جبرك الغلا مقدر على جبرك= ياللي على ارض الوفا ماشبرك بشبري
تزعل وترجع وتلقاني على خبرك=وانا انكسر لك واجيك ادور لجبري
امحقوليف ومحبه ولا اقول ابرك= حسبي عليك اعشقك وانت تحفر قبري

[عبدالله الجـــذع]

شاعر جميل جدا

وقصيده اجمل واروع


مشكور يالغالي على النقل


محبك

.,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا