يابوش واكلنتون وبوتن وشارون....

[أبو زيد]

يابوش وكلنتون وبوتن وشارون = ويّا بلير اللي يحب العجاجه
الله عطاكم فالعرب يوم تدرون = مابين ثور وبين واحد دجاجه
عربان لكن دمهم دم فرعون = على الضعوف يدورون الخراجه
إلزم كلام الصمت والصمت مضمون = والشعب خله فالمحيط وسياجه
القدس تبكي دم وحنا على الهون = باقي نخطط في طريق العواجه
حتى متى لعبة سياسة وقانون؟ = نبحث عن إحراج العدو.. وآحراجه!!
والله ماطق الخبر جيش شارون = حيثه عرف سر العرب والخواجه
يذبح ويسلخ يهتك أعراض وجنون = وعرباننا عقال تخشى المواجه
الله وأكبر نشرب الذل والهون = ونلبس من أغلا اللبس حمق وسماجه
والله وأكبر يطعن الكبد مسنون = ونضحك طرب ماكن فالكبد حاجه
باقي أمل فالرب ثم واحدن عون = عون العذارى في نهار المهاجه
هذاك أبو متعب حمى وضلع مزبون = نبعه قراح وفي عدوه هماجه

[عبدالله الجـــذع]

الله يابوزيد

صح لسانك وقلبك على هذه الحماسيه الرائعه

لاهنت ولاهان راسك

محبك
,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[أبو مصلح 511]

صح لسانك يابو زيد



الله يعطيك الف عافيه