أنت مانع شر

[راعي الشريف]

هذه القصيدة للشاعر سعود بن سعد العصيمي القاها في حفل أبناء النداح للعلوات في الأحساء وكان لها مناسبة وهي أن شاعرها وقبل الحفل بليلة كان يتحدث مع خالد النداح عن سيرة الشيخ مانع بن عمر أبالعلا وكان الوقت متأخرا وقال نسري النجوم سرت واختار الشاعر مسرى النجوم والبقاء في فلك سيرة الشيخ مانع واليكم القصيدة

يانجم معذور معذذور اذا انت بتسري = عندنا نجمن تبا تلتهمك قنوفه
سيرتن من خاض فيها يشم العطري = ماتقول الا انها بالزهر محفوفه
سيرتن كل المشاكيل عنها تدري = للرجال أهل الوفا والفخر محفوفه
وياسحابه خيلي وارعدي وانتثري= اكسي القيعان نبتن نشوق لشوفه
عايدينا عيدنا ها السنه جا بدري = في قدوم اللي عساها بعاد حتوفه
في قدومه كلبونا نسوق البشري= والقلوب من الفرح كنها مخطوفه
شيخنا مانع سليل الحرار الندري = شايبن خلفك ماينسي معروفه
جعله بجنات خلدن نهرها يجري = يوم اشوفك كن عيني تشوف وصوفه
ويا قصيدي جيت موزون والا نثري = منته بقادر تعدد فعول كفوفه
شيخنا يا شيخنا يا ذرن به نذري = في وجودك مانهاب الزمن وظروفه
أنت مانع شر فالخير مالك خشري= من نخاك لطيب منت بتلد شفوفه
الخصيم المعتدي منك جيبه مفري = والضعيف تقربه يالشهم وتروفه
لا ومرت اللي تعذر فلاله عذري = كلنا جيشن بيعجبك صف صفوفه
تحت راية ربنا الواحد المقتدري= العظيم اللي جميع البرايا تخوفه
ثم تحت راية ملكنا رفيع الذكري = صاحب الرأي المحنك بعيد الشوفة
لبو متعب ودي جزيل الشكري= المواطن والوطن كلهم في جوفه
الوطن حنا حماته اليا جا العلم غدري = والله انا درعه والله انا سيوفه

الشاعر / سعود بن سعد العصيمي