سلام ومرحبا والليل لافزعه ولاش سهوم!!!

[عيد العازمي]

سلام ومرحبا والليل لافزعه ولاش سهوم = لسان وكلمةٍ من راس رجّال يبرهنها
نبا شاعر من الشعار ندرج في سماه الحوم = مخاليب الصقور الجارحه ساسه معادنها

التوقيع

ليت الافكار مركب والهواجيس مينا=كان ماسج ريمه غير ركّاب ريمه!! العازمي

[رعد الروقي]

صح لساااااااااااااانك يالعازمي



مبدا رائع وقوي


متابع وماسك صفك

[طائر الاشجان]

ايه بالله اشهد انه مبدا يرٌوع واظن محد بيسطى عليه

صح لسانك العازمي

[عيد العازمي]

العمده وطائر الاشجان

مرحباً الف

واشكركم على الاطراء الذي لا استحقه


وصحت ابدانكم


على العموم ان شاء الله

يتأجل الطاروق للقابله


الان الجلاه اشغلني هههههههه

[عبدالمجيد العطاوي]

مسيك بالخير يالعازمي واعذرنا توني داخل وشفت البدعة وانشالله نوفّق معك طال عمررررك انت مدرسة ولنا لقاء القابلة انشالله ما عاد ورانا شي والله ... واستلم

نرحبّك نهلّي بك على عزّ وشرف واسلوم=وهاذا ردّها لرضاك ولشرواك نعلنها
الا ياطير كان انّك تهوم اللّي تريده هوم=تنهّض وانهض الجنحان لا تخلف توازنها

[رعد الروقي]

صح لسااااااانك يا عبد المجيد العطاوي






رد ولا اروع







متابعينكم

[عبدالمجيد العطاوي]

المشاركة الأصلية كتبت بواسطة هيف الجوازي

العذر والسموحه لم انتبه لرد الشاعر الكبير عبد المجيد العطاوي

والله لو اني داري انك تتردّ كان ما رديت ياهيف اعذرني طال عمررك

[عيد العازمي]

مساء النور ياعبدالمجيد وعلى الموعد ان شاء الله

بقيت وياسما الاشعار زيدي فالنجوم نجوم = نجومٍ غايبه ونجوم تظهر حول اماكنها
حقيقه مانعدّك يالعطاوي من عيال القوم = رفيق وفاللزوم اللازمه ماتعتذر عنها

[عبدالمجيد العطاوي]

مسيك بالنور والرضاء ياعيد على الوعد باذن الله

عسى ماانته عن انجوم السما يالعازمي منجوم=مادامك شفت واحد كنّ مابه غايبٍ منها
بلاشكّة بلا ريبة حقيقة والنسب معلوم=وانا اقول لك جرّ الصوت ببيوتك ولحّنها

آخر تعديل عبدالمجيد العطاوي يوم 27-Feb-2009 في 09:30 PM.

[عيد العازمي]

قنعنا بالنجوم الباديه والحظ والمقسوم = عساها ترشد الساري لايامنّه تيامنها
تحت ظل البيوت العامره صدّرتلك مرسوم = عسى بيتك يظلّك من ظلاله قبل تزبنها