الشيـــــــخه ... مصافحه اولى .......

[ماجد حمود العصيمي]

قال الخلاوي والخلاوي راشد=شوف الديار الخلي اتـروع

السلاااااااااام عليكم

معبره.. متواضعه.. مصافحه اولى امل ان تنال اعجابكم

تداحمت بين المحانـي ضيقـه=وتتابعت من حقها المشـروع
تسلحت تسليـح مثلـه نـادر=وتترجمت ترجامت المطبـوع
ترسانة احروف الهجا المقروه=من خلقت المصروف والممنوع
تقنب قنيب الذيب بالمشروفـه=اليا حداه الخوف والا الجـوع
جتني اتصحيني ابحجت فزعه=فزيت فـزت غافـلٍ مفجـوع
والا كما من يلتفـت بالممشـا=على الاثـر ياكنـه المتبـوع
على صلاة الفجر باقي ساعـه=خدي بكفـي مرتكـاه الكـوع
تنخا وكن اعيونهـا تتحالـق=ادموع لاكن ماهنـاك ادمـوع
سمي نخيتيني انا اخو حصـه=لعاصيات النا لـزوم اتطـوع
جيتك افـج الكايـده وامنعهـا=فجت ابن حثلين يوم اجمـوع
اليا حـداه البحـر والقوامـه=بحرٍ تلاطم والجمـوع اتـروع
لعيون نقاض الجديل الحاضب=طريق لاصـار الكبـود ادروع
اخذت بالحيله ونوع امسايـس=اشكال بالحيلات واجمل نـوع
لاثر الخلاوي واقفٍ يزهمنـي=يطرح ويجمع ناتج المجمـوع
الفـزه الاولـى تبعهـا فـزه=خيال ماطـول وراح امـزوع
افـز متـروع واثرنـي نايـم=احلام والاحلام ضى اشمـوع
يرحمك يانظم الخلاوي راشـد=مبدوع مابعده يجـي مبـدوع
بالعون لاحولـه ولا جاريتـه=طريـق لاكامـل ولا مقطـوع

وسلااااااااامتكم

آخر تعديل ماجد حمود العصيمي يوم 03-Feb-2009 في 10:48 PM.