قصيدة أكبر فقيدة للشاعر سعود المسعودي وهي رثاء للشاعر فيصل الرياحي

[نواف بيك]

بسم الله الرحمن الرحيم

السلام عليكم ورحمة الله وبركاته

الجميع يعرف مكانة الشاعر فيصل الرياحي رحمه الله

وماله من مكانة مرموقة بين الشعراء وهو غني عن التعريف

انتقل إلى رحمة الله

وكانت هذه قصيدة للشاعر سعود المسعودي وهو الصديق الصدوق له

وهي تعبر عن نفسها

نقلتها لكم

القصيدة

راح يا حضن المسمى للبقوم أكبر فقيده = وراح لي أكبر صديق فالعمر مالقى بداله
ذاك فيصل يا عسى روحه من المولى شهيدة = يا نهار السبت علمك راعني قبل احتماله
الفجيعة ماتكفيها التعازي فالجريدة = ولا القناة الي تبث الشعر ما تكفي رسالة
شيخ وجه رجال خل الشعر والله ما يزيده = قدر يوم نعم قدره مع مقدرت الجمالة
والله اني لو اعدد في خصايله الحميدة = مابقى للطيب مسلك يوم اقول انه لحاله
يالله المعبود يا منجي على التوبة عبيده = ثبته على طريق الحق في ساعة سؤاله
وارحمه يارب في يوم المحاسب والوعيدة = واكرمه في جنة الفردوس يارب الجلالة
المشاعر خانها التعبير في كتب القصيدة = والمراثي في فقيد الشعر تقصر عن مجاله
العلم اسمه وحب الناس في غالي رصيده = في بنوك الطيب يكنز حبهم من دون ماله
اطلق حجاجين لا قابلك لو حالك نكيده = بش وجه من وفاه لصاحبه دامه اقباله
الكرم من شيمته لا مد ما مد الزهيده = عن دروب الطيب ماتقصر عن الجمة احباله
انهدم للشعر ركن وحل فالخاطر وقيده = وافتقده اللي من اول لا حضر ملعب عنى له
طالب اللي كل ما يسمع ويقرأ له قصيده = بالدعاء يدعي لراع الطيب لا يقطع وصاله

للشاعر سعود المسعودي