قادح شرار......حضر لاهنت......

[احمد حامد الزايدي]

ياسلام الله سلام للملا عرضه وطوله=عد همال السحاب اللي غشا الديره غشاها
يابحر جده نبا نأخذ على ساحلك جوله=جولة خطره ولا ادري وش قدمها وش وراها

[قادح شرار]

حياك الله يا ابن الشاكرين .

أبصلي وأجيك يالطيب .

[احمد حامد الزايدي]

قادح شرار


أبقاك الله واغلاك


والله يحييك يالغالي

[قادح شرار]

المعذرة على التأخير .. وأستلم :

مرحبا من شاعر ٍ يا رجل تشهدله فعوله = لا أحتمى الميقاف ..ولاّ الملعبة دارت رحاها
أخذ جوله وأخذ صوله ... وأنتبه للي تقوله = لأجل بقعاء ما تقرّب منك يا مسلم عصاها

[احمد حامد الزايدي]

البقا من شاعر علمه يقوله (ا) ويطوله=كلمته مايمتنع عنها ليا منه عطاها
بأذن ربي ماتقرب منه بقاء بالسهوله=والعرب في حربها ياقادح يبين دهاها

آخر تعديل احمد حامد الزايدي يوم 08-Jan-2009 في 12:50 PM.

[قادح شرار]

الله الله

عزتي يا تاجر ٍ يحلم ... وما عنده سيوله = فوق الأرض وعينه تعاين نجوم ٍ في سماها
من يريد المرجله يا صاحبي ..يشعب ذلوله = ثم يارد للعدود الراهية ويذوق ماها

[نزهان الروقي]

الله الله



<< متأأبع

[احمد حامد الزايدي]

طيب طيب

ماعمر تاجر يطب السوق ماشي ينوله=كل سلعه يمتلكها بالدراهم قد شراها
والمرجل في يميني بيع واشتر بالعموله=والرجال تنول مطلبها وعالي مستواها

[فايز بن سرحان الثبيتي]

عزتي يا تاجر ٍ يحلم ... وما عنده سيولـه
فوق الأرض وعينه تعاين نجوم ٍ في سماها
من يريد المرجله يا صاحبي ..يشعب ذلوله
ثم يارد للعـدود الراهيـة ويـذوق ماهـا




الله يبيض وجهك

يابو شرار


عز الله انك كفو



ماعمر تاجر يطب السوق ماشي ينوله
كل سلعه يمتلكها بالدراهم قـد شراهـا
والمرجل في يميني بيع واشتر بالعموله
والرجال تنول مطلبها وعالي مستواها


ابو الشاكرين

صح لسانك خصمة ماهي بسيطه




متابع

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن

[احمد حامد الزايدي]

ابن سرحان


صح بدنك يالغالي


شهادتك أفخر بها


لك تقدير واحترامي