ملاعب وابداعات شعار الهيلا (( خارج الهيلا )) 1

[متـعـب المهيدلي]

بسم الله الرحمن الرحيم

السلام عليكم جميعا

في هذ العمل البسيط قررت ان اقوم بجمع محاورات شعار منتدى عتيبه الهيلا خارج منتدى عتيبه الهيلا واضعها بين ايديكم يابنا القبيله الاعزاء

وهذا مجرد رقم 1 وسوف يتبعه باذن الله اعمال كثيره باذن الله

والذي عنده محاورات لشعار المنتدى لايبخل علينا

المحاوره الاولى

بين سلطان الجذع الاسطوره والشاعر مشاري الكرشمي

سلطان الجذع

ا

لكرشمي في كل دار اشوف له موطـاء قـدم=ماغـيـر ديـــره وحـــده مالله هـــداه يـمـرهـا
لو تعتكف شهرين يابن روق في وسط الحرم=تشـرب بحـر جـده ,,وكبـدك مايبٌـرد حـرهـا

مشاري الكرشمي

نضرب بسيف العز ياسلطان ماقيد انثلم=ابشربنـا واهـل العلـوم الطيبـه ماغرهـا
ماشال عمدان الجراد الا مداويح السلـم=لاتغبط اللي مايميـز نفعهـا مـن ضرهـا

سلطان الجذع

مااقول فيك قصور وقف فالمواقف واحتزم=والفزعـة اللـي تكمـل المطـلـوب لله درهــا
يابلشـه بيـن العـرب هـذاك عيـن وذا خشـم=لو تجتهد ,,كل النفوس اقول صعب تسرها

مشاري الكرشمي

مباوصاه اقـول ياسلطـان سلـم واستلـم=شدادها ممسوس ونفوس الكرام نبرهـا
السابقـه تطلـع بيدهـا ياكبيـريـن الهـمـم=والارض عيا بحرها يسقي ضمايابرها

سلطان الجذع

شدادها ممسوس والمغزل ماهوب الها وسم=مـن لاملكهـا يالعتيبـي ماشـرب مــن درهــا
لكن ...تال الشوط مدري لك فـرح والا نـدم=اللـيـل دوبــه واللـحـون السامـريـه جـرهــا

مشاري الكرشمي

الدرب من قزه عور واللي حذف حذفه عسم=بـدلـتـك يـاسـلـطـان بالله بــــالأزره زرهــــا
ترا الجمل بالدرب يمشـي مايزعزعـه الحلـم=والكحل جاهـز والعيـون الشاطحـات نذرهـا

سلطان الجذع

وش بك ترجعها ورى ..حنا نبا الممشى قدم=لـكـن دور خيـرهـا لاتبتـلـش فـــي شـرهــا
الله يـبـارك فالكـريـم وفالـكـرامـه والـكــرم=دار الـكـرم مـاهـو بجـايـع يالعتيـبـي ذرهــا

مشاري الكرشمي

ثورت بندقك العزيـزه يالعتيبـي مـن عـدم=وسط الخبا لكـن بعـد هـذي لاعـاد تكرهـا
سلطان ياسلطان لاتخلف هقاوي من عشم=اما اعقل الناقه مع المضهور والا صرها

المحاوره الثانيه

سعود العصيمي وسلطان الجذع

سعود العصيمي

هلا يامرحبا حياكم الله فوق هبـة ريـح=عسى ربي يبـارك فيـك ياليـلٍ تمنيتـه
على سلطان هبي ياهبوب النود لين ايطيح=على راسه عمود البيت والا يحتمي بيتـه

سلطان الجذع

يدوم الك البقا والصح ثابت مايبـا تصحيـح=تقابلنا ,,ونظـم الشعـر حضرنـا عفاريتـه
والا يابخيت بن ماعز تعرف ,,اوخيك شليويح=ليا منه على دربـك وقـف لـك ماتعديتـه

سعود العصيمي

تهرج يالجذع والعلم واضح مايبا توضيـح=بعد ماشفت خط الحرب لاتقـرب دناميتـه
دخيلك لاتعرض في طريقي عن طريقي زيح=انا رجال ماقـف مـن تحدانـي تحديتـه

سلطان الجذع

والا يالمسلم اللي تكثـر التهليـل والتسبيـح=انا بنشدك فرض امس العصر وشلون صليته
اخوك اللي ,,حريص لحشه العرقوب والتجريح=قبل يفضحك ليتك عن عيون النـاس دسيتـه

سعود العصيمي

عليك شوي ياسلطان واتشيلك هبوب الريح=على شأن الكلام اللي نقوله ويـن وديتـه
ترا جرتك ياسلطان مقصوصه مع اهل الفيح=تشيلون العلم مرفوع مـار العلـم ياكيتـه

سلطان الجذع

والا ياللي وردت رماح سر السالفه فرميح=لكن بعيرك اللي شالـ حملـه ويـن سريتـه
مادمت تساعد الظالم مع المظلوم ليه تصيح=لو انه يمشي الموضوع ياابو زيد مشيتـه

سعود العصيمي

اصلحلك امورك وانت ماتبغالها تصليـح=وانا اظنك شريكه يوم راس الشيخ كديته
اثر قلب الجذع فاخر زمانه صايبه تتنيح=ماتنفعه الوصايه لو علمتـه ووصيتـه

سلطان الجذع

من الديوان صادر ياوسيع المعرفه تصريح=يبا يقنعك نصه لن سمعته سمع واوحيتـه
علامك يالعصيمي يالعصيمي بالسدود تبيح=وانا خابرك رجل لن بديت العلـم سديتـه

المحاوره الثالثه

الشاعر مقعد الدغيلبي والشاعر سليمان بلال اليامي

مقعد الدغيلبي

سـلام رده لهـا سلـم وقوانيـن=تنصا هل الطيب وزحول الرجالي
جتنا الرسايـل وجيناكـم ملبيـن=والحمل مشدود بظهور الجمالـي

سليمان بن بلال

يامرحبا وابرك الساعات هالحين=خذ الخبر من سليمان البلالـي
ماودنا نعتذركم ياحمـر العيـن=والله يحييـك والمـارد زلالـي

مقعد الدغيلبي

دام البقا والحمل فوق البعارين=وانتم خوالي ونعمٍ ياخوالـي
من طبعنا ماندور ناس مقفيـن=سلم(ن) لنا من قديمات الليالي

سليمان بن بلال

حنا خوال المشايخ والسلاطين=وان كان حنا خوالك لاتبالـي
ومن طبعنا مانعامل كود جزلين=ونوفي الكيل من سابق وتالـي

مقعد الدغيلبي

طافت وعدة على روس النياشين=ماعاد فيهـا نقـاش ولا جدالـي
وحنا ترانا مرجحـة الموازيـن=نرسي كما الشامخات امن الجبالي

سليمان بن بلال

ماقول فيكم قصورٍ والشحم زين=الطيبه ياوسيـع العـرف فالـي
والظاهر انكم على التمرير ناوين=بدري معـي تلعبـه ياهملالـي

مقعد الدغيلبي

تقولها بعـد ضيعـت العناويـن=لاتارد الجـم بقصـار الحبالـي
راجع كشوفات غزوة بدر وحنين=داخل كشوفاتها مالـك مجالـي

سليمان بن بلال

الجاهل اللي يحط العلم علميـن=والطايفه ويشهي يابن الحلالـي
ان طعتني لاتسريك الشياطيـن=وشبورنا لو قصر شبرك طوالي

مقعد الدغيلبي

بغداد قبله ترا راحت فلسطين=هذا جوابٍ على قد السؤالي
بن اليمن ماجهله غالي مثامين=والبن ماتنكره صفر الدلالـي

سليمان بن بلال

هانت وحنا منجيـن المخليـن=ولك خبرةٍ فالجنوب وفالشمالي
انشد سفر كان واجهته ونعمين=والبن الاشقر ترا مشراه غالي

مقعد الدغيلبي

الطير ماطار من دون الجناحيـن=وانت انتبه لايميل ابـك العقالـي
سيفين والسيف اله مقضب وحدين=لكـن سليمـان مايشبـه بلالـي

سليمان بن بلال

ياصاحبي لاتقول ان الحجر طيـن=والدهر يومين مـر ويـوم حالـي
وابشرك بالسعـد سابـق وبعديـن=احرص على المفردات وخلك عالي

مقعد الدغيلبي

طشيت حبك وحبك روح طحين=وتقول تالي الزمن وابري حالي
هذا سليمان ماله غيـر سنيّـن=ويهوش ويقول حماي التوالـي

سليمان بن بلال

العود باقي تشجعـه الملاييـن=والا انت عادك صغير ولاتزالي
ولااقول مانستطيع تروح لاوين=ليا امهلنلـك جديـدات الليالـي

مقعد الدغيلبي

من العصر وانته تحرث فالسكاكين=لكن موتـك دنـا والعمـر بالـي
العسر مالـك ومالـه دوّر الليـن=قدام اسوقك مثل سوق الجمالـي

سليمان بن بلال

اثر المسيكين ذا ماهو بمسكين=لاوالله اللي عليك الشد مالـي
الظاهر انك يامقعد ذات وجهين=ابا اتوكل علـى الله لاتكالـي

مقعد الدغيلبي

لا ياسليمان وين انتـم مصليـن=اللي جرالك لك الله ماجرالـي
الظاهر انك ماتدري دربها وين=ياحسين ماشفت ابو زيد الهلالي

سليمان بن بلال

كررتهـا ياولـد مـره وثتيـن=مالك ومال الحرج والخبت خالي
حنا هل المعرفه حنا هل الديـن=ماقدمك الا مداغيـش العيالـي

مقعد الدغيلبي

الكلمه اللي تجي من بين قوسين=ارتاح عنها على حمر الزوالي
قضيت دينك وباقي لك بعد دين=والكـامـل الله ولله الكمـالـي

سليمان بن بلال

للحاضريـن المطاليـق الوفييـن=وللصف الاقصى وللصف الموالي
اجمل تحيه على صدق وبراهيـن=ومقعد بلاش اخبره باللي طرالـي

[حمد بن جوباح]

.
..

الله الله يا متعب

عز الله إنك جزل وماجبت إلا جزل

صحت ألسن شعار الهيلا

وبإنتظار الإصدار الثاني والثالث و و و ... إلخ

مانمل جديدك يا الغالي



.
.
.

















تحياتي لكـ ،،

[شبل الغدرى]

متعب المهيدلي


موضووع رااائع

يعطيك العافيه .


ونتمنى المزيد عن هؤلاء الشعرااء

بالذاات حيث انهم مبدعين ومتمكين.

فننتظر المزيد عنهم وعن غيرهم من شعراء الهيلا.

لك كل الود والاحترااام.

[متـعـب المهيدلي]

ههههههههه


والله اني ادور شعار الهيلا 1 واحسبه محذوف قسم بالله مادريت انه مثبت فوق وانا رايح اقلب الصفحات حقت المحاورات المنقووله



على العموووم ابن جوباح حياك الله وانت من الشعار اللي بيكون الموضوع القادم عنهم ترى العين عليك يالمجرررم



شبل الغدرى الله يحيك انت بس ااامر وحنا ننفذ واللي تبووون بيصير

[بدر الكريزي]

صحت السن شعراءنا .. رائعين و مبدعين في كل مكان ..

و تسلم يمينك يا متعب .. بيض الله وجهك على مجهودك ..

التوقيع

قرأت فيما قرأته من بلوغ المرام ., اللي ترك شيء لله ( عاضه الله بخير ) ., ., استغفر الله العظيم , و أتوب إليه ‘.

[متـعـب المهيدلي]

مشكوووووووووووور بدر الطيب منبعك يالذيب

ماسوينا شيء

[ولد ميسان]

بصراحه نتمنى مثل هذه المواضيع الجيده