لا تشتكي<< للشاعر مسفر الرويس

[فايز الحربي]

لا تشتكـي لا يابعـد راس مغليـك=لا ياسبـب داي ودواي وطبيـبـي
والله مالـي قـدرةً والتقـي فيـك=هذا نصيبك في الحيـاه ونصيبـي
لا هوب بيديني ولا هـوب بيديـك=مكتوب والمكتوب حتمـاً يصيبـي
يأغلى من الغالين وشلـون مابيـك=وانته وسومك في الخفوق العطيبي
وشلون انا ياداعج العيـن اجافيـك=وانت الدواء اللي به جروحي تطيبي
وقلبي على عهد المحبه مصافيـك=ولا علـي خـلاف دامـك حبيبـي
وكان الظنون لطاري البعد تدعيـك=لاتطاوع ظنونـك وعنـي تغيبـي
وكان ابتعادك ياهواء البال مرضيك=ابعد وأنـا ببقـى بجنبـك قريبـي
وبأقولك بيت مـن الشعـر يكفيـك=مــــــؤكــــــداً مافيـه شــك وريـبـي
والله ثـم والله مأزهـد واخلـيـك=لو طالت سنيني ولو بـان شيبـي

صح لسان شاعرها

مسفر الرويس