( حاسبت نفسي ) .. ! لـ مشـ ع ـان البراق ..

[بدر الكريزي]

صحيح للشعر بـاب وللمشاعـر جـواب=ولا .. تزيـن العلـوم الا علـى حلّـهـا
وانا من البارحـه فاتـح للافكـار بـاب=كنـي علـى عالـي الرجـم اتبيّـن لهـا
يمكن اني اغيب ساعـه واستلـذ الغيـاب=وافتـح ملفـات عمـر ٍ راح .. وافلّـهـا
لكن ليا جيت .. جيت اسوق علط الرقـاب=ومن دونها انقل سيـوف الهنـد واسلّهـا
ارقى المراقيـب واجـاوب قنيـب الذيـاب=وجلّ الغوالـي .. تـرزّم يـوم اهوبلّهـا
اختار من صفوة الصفـوه مالـذّ وطـاب=واسوقها .. للعقـول اللـي تحيّـن لهـا
ماهيب في حـب والا صـد والا عتـاب !=لاوالله الا علـوم ٍ تـوي اذهــن لـهـا
البارحـه ليلـة ٍ كـن بسماهـا ضبـاب=يامل عين ٍ جفاهـا النـوم .. يـا ملّهـا
سوادها اسود سواده من جنـاح الغـراب=من عقدة ٍ يتعـب الحـلال .. مـا حلّهـا
دنيايه ارخص بعيني مـن جنـاح الذبـاب=ماعـاد ابــي ياسمينتـهـا ولا فلّـهـا
حاسبت نفسي وضاقت بي وساع الرحـاب=كثرت خطاياي مدري كيـف ابـا اقلّهـا !
جاهرت بذنوبـي اللـي كنهّـن الهضـاب=وقصّرت في واجبات ٍ كنـت فاطـن لهـا
تبعت درب الخطاء واخطيت درب الصـواب=اتبع هوى نفسي اللي غـيّ ارضـاً لهـا
يالله وانت المجيب اللـي مادونـك حجـاب=تقـدر تعـز النفـوس وتـقـدر تذلّـهـا
يامحيي الارض بأمرك من حقوق السحاب=اعوذ بـك مـن ذنـوب ٍ عاتقـي ملّهـا
واعوذ من دعـوة ٍ تدعـى ولا تستجـاب=ومن كلمة ٍ مادريـت ابهـا وانـا ازلّهـا
انا بوجهك وجاهـك مـن شديـد العـذاب=عبدك ونفسي اليا اخطت رحمتك من لها !
ما أخذت للاخـره قبـل رحيلـي زهـاب=انا وناس ٍ معي مانـي بـمحصـي ٍ لهـا
كم واحد ٍ يطرد آمـال ٍ سـوات السـراب=شي ٍ يبـي ياصلـه وأشيـاءً ماياصلّهـا
يجمع حطام ٍ .. مصيـره للفنـا والذهـاب=ومـن الطمـع عنـده ان الارض يحتلّهـا
اغرته بنت الهوى والقلب الاقشـر شبـاب=وانساق معها وهي ما احـد ٍ خليـلٍ لهـا
ماحث رجله علـى درب الاجـر والثـواب=اسحرته المغريات وصـار .. عبـد ٍلهـا
في غفلته كم رقـد واصبـح وودّا وجـاب=اظله ابليـس .. مـع نـاس ٍ قـد اظلهـا
يشعب ركابه مع اللي يشعبـون الركـاب=نسـى ان الايـام شجـره زايـل ٍ ظلهـا
لابد مـن ساعـة ٍ مابعدهـا الا المـآب=الله مـا يهمـل عبـاده .. اليـا امهلّهـا
هني من تاب لله مـن ذنوبـه .. وانـاب=زهد بدنيـاً .. مسـاوي كثرهـا / قلّهـا
مشى على سنـة محمـد ونهـج الكتـاب=تبـع دروب ٍ .. قليـل الديـن مادلّـهـا
مع مسبلين اللحا .. ومقصريـن الثيـاب=قوم ٍ .. علـى طاعـة الله ياحلـو دلّهـا
منشى البنـادم تـراب ومرجعـه للتـراب=والروح امانه على من هـو وديـع ٍ لهـا
اليوم ( صفحه ) وعمر المودماني ( كتاب )=مـدوّن ٍ فيـه .. دق اعمالـه وجلـهـا
ماضايع ٍ منه حاجه .. في نهار الحسـاب=كل ٍ يبي يشوف مافـي صفحتـه / كلهـا

الشاعر/مشعان البراق

التوقيع

قرأت فيما قرأته من بلوغ المرام ., اللي ترك شيء لله ( عاضه الله بخير ) ., ., استغفر الله العظيم , و أتوب إليه ‘.

[أخو جوزا]

صح لســـــــان مشعان البراق

التوقيع

قال الله تعالى: ﴿وَالْعَصْرِ * إِنَّ الإِنسَانَ لَفِي خُسْرٍ * إِلاَّ الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ ﴾

[بدر الكريزي]

المشاركة الأصلية كتبت بواسطة أخو جوزا

صح لســـــــان مشعان البراق

لا هنت يا اخو جوزا على المرور

[عبدالله الجـــذع]

اليوم ( صفحه ) وعمر المودماني ( كتاب )
مـدوّن ٍ فيـه .. دق اعمالـه وجلـهـا


صح لسان المبدع مشعاااان


مدد بلاعدد

بدر يعافيك ربي على هالانتقاء الرآئع

محبك
.,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[بدر الكريزي]

المشاركة الأصلية كتبت بواسطة عبدالله الجـــذع

اليوم ( صفحه ) وعمر المودماني ( كتاب )
مـدوّن ٍ فيـه .. دق اعمالـه وجلـهـا


صح لسان المبدع مشعاااان


مدد بلاعدد

بدر يعافيك ربي على هالانتقاء الرآئع

محبك
.,

الله يعافيك يا عبدالله ..

تسلم على المرور ..


لا هنت ..

[محمد العتيبي]

صح لسان المبدع / مشعان البرّاق
على القصيده المليئه بالدعاء لله والأعتراف بالذنوب
التي نقترفها في كل يوم
نسأل الله العفو والعافيه
...
بدر الكريزي
الف شكر على الأنتقاء الفاخر
تحيتي ياغالي
...

التوقيع

للتواصل عبر twitter تويتر al_bargawy@

[بدر الكريزي]

المشاركة الأصلية كتبت بواسطة محمد العتيبي

صح لسان المبدع / مشعان البرّاق
على القصيده المليئه بالدعاء لله والأعتراف بالذنوب
التي نقترفها في كل يوم
نسأل الله العفو والعافيه
...
بدر الكريزي
الف شكر على الأنتقاء الفاخر
تحيتي ياغالي
...

العفووو

و منور بمرورك يا محمد..

لاهنت

[خلف القثامي]

دنيايه ارخص بعيني مـن جنـاح الذبـاب
ماعـاد ابــي ياسمينتـهـا ولا فلّـهـا
حاسبت نفسي وضاقت بي وساع الرحـاب
كثرت خطاياي مدري كيـف ابـا اقلّهـا !
جاهرت بذنوبـي اللـي كنهّـن الهضـاب
وقصّرت في واجبات ٍ كنـت فاطـن لهـا



صح لسان الشاعر المبدع / مشعان البراق على القصيده الشامخه في محاسبة النفس

وسلمت يمناك على الاختيار الجميل

[بدر الكريزي]

خلف القثامي

..


الله يسلمك..

و لا هنت على المرور..