المخلب الناري؟؟؟؟ للشاعر/ خالدبن ذياب الدغيلبي

[خالد بن ذياب]

هلا باللي يفز القلب لامنه سمع طاريه=الا ياحي هالطله والا ياحي هالطاري
يهز القلب لقياكم بلا موعد ولاتنبيه=ويدرى صدمة الموقف خفوقي معه ويداري
على شان الغلا والصاحب اللي عندنا نغليه=اجامل واتجاهل لوانا عن مقصده داري
والا يابحر ياللي تشفي المجروح وتسليه=انا البارح شرد فكري وبت الليل سماري
انا يابحر لي قصة غلا من سمعها تبكيه=مضت فيني وعشت بها وبث افلامها جاري
مع اللي حطم ضلوعي وانا اداريه واراعيه=والا ياوجد روحي كان طول معه مشواري
انا يابحر يوم اصد لاسالي ولا ناسيه=ابى ابعد عنه قسوت هرجت النقاد والزاري
ولكن الجزاء صدمة وصدة وان سألنا ليه=يقولون الجفا منكم قبل لايسمع اعذاري
لكن ان طالت الدعوى وخلا خافقي يتليه=ابى اضرب ضربت الفرقا معه بالمخلب الناري
تبى ترضى علي وجيه وتحزن علي وجيه=وطبع الليل ماتومن عواقيبه على الساري
انا طبعي كذا واللي يبينا ربي يحييه=وهذا ماتوصله حصيله ناتج افكاري

الشاعر/خالدبن ذياب بن هليل الدغيلبي العتيبي.