أعوي عواء الذيب الأشهب وأهرف أهرافه=وأعدي معاديه وأطرش مع مطاريشه
وأمشي مماشيه وأشرف بمشرافه=وأضوي مضاويه وأغبش مع مغابيشه
الذيب مبداه وأهرافه ومذلافه=ومسراه وعواه ودورته على العيشه
وأنا بلايه حنين القلب وأتلافه=على الذي ماينوشنه مناويشه
الصاحب اللي يحير القلب بأوصافه=وكان ضميان مايروي معاطيشه
غصن يكل القلم مايحسن أوصافه=قضيب موزن تظل في معاريشه
عن مدمج الساق تأخذ ثوبه أردافه=ورمشه ينافس ظليم الرب في ريشه
ياليت من هوعلى وضح النقاء ضافه=وعن السموم يتظلل في عكاريشه
ويشفي غليلي بحمر أشفاه وأرهافه=أكنهن كنة الضرمان للشيشه
ليته يعجل على المرضان بأسعافه=من مبماً ماعطا أحدن من بخاشيشه
مير الغضي رافض مطلوب ميلافه=مدري متى ينتصر جيشي على جيشه
غزال ريماًيعني رجل لقافه=أبعد من قبه على القناص من بيشه
مايدرك اللي يريده منه حوافه=ورداًصعيباًعلى الطماع تفتيشه
الخد مثل القمر في ليلة أنصافه=يجهر بياضه وحب الخال تنقيشه
« آخـــر الـــمـــشـــاركــــات »
قصيدة للشاعر غازي بن عون
العرض الشجري