الحال ينحل يا فهد - شيلة لمحمد غازي النفيعي - الهيـــــــــــــلا *** منتدى قبيلة عتيبة

طارق النفيعي · 03-Dec-2008, 01:08 PM

بسم الله الرحمن الرحيم . .

كيف حالكم يالأخوان ؟

هذي شيلة جديدة لمحمد غازي النفيعي بعنوان ( يا فهد )

طبعا مع أضافة بعض المؤثرات والصدى .. .

أضغط هنا للأستماع

أضغط هنا للتحميل

وهذه هي كلمات الشيله ..

الحال ينحل يافهد والزمن جار=والهم يكبر في حنايا ضلوعي
والعين تدمع كنها وبل الامطار=والجرح ينزف والمحبه تروعي
والحال مامن حال والوقت دوار=وأنا بوقتي عقب شوفه جزوعي
ضربت في بحر الهواجيس مشوار=واستقت فكري مانويت الرجوعي
على الذي زينه جذب كل الانظار=كل البشر لجله تهل الدموعي
زينه هذا طاغي وطايش وجبار=ينزع قلوب أهل المحبه نزوعي
يجعل قلوب الناس بالزين تحتار=يسحر ويقهر بالجفا كل دوعي
في وصف زينه مايوفن الأشعار=لو أوصفه من قمته للخضوعي
لو قلت له عين(ن) سهمها كما النار=اللي كواياها تدامى وتوعي
يجذب هدبها ناضج الفكر وصغار=ومع رسمة الحجان كل(ن) يتوعي
متقادي(ن) من أيمن العين ويسار=أقواس عينينه فريدات نوعي
من رسمته كل البني منه تغتار=تقول رسم اللي بفنه وسوعي
وبين العيون إنزل وتبهرك الأنظار=بشوفة خشم عليه وصف البتوعي
وإن ملت للخدين بالناظر أمرار=منته عن سهومه بقلبك منوعي
مثل الورود الظاهره بين الأزهار=وأخذت سطوع أنوار ضي الشموعي
وإليا نظرت الفم ياكثر الأخطار=جمره على جمره ومبسم لموعي
غير رقبتها وعمرها بين الأعمار=لو شفت مثله يمكن أحب كوعي
ياوجد حالي سبته وجد منهار=اللي يئس من وصل خل(ن) قطوعي
يقعد وحيد ولا تكلم بالأسرار=يهل دمعه هل من جاه جوعي
أقولها وأنا على الهم صبار=واللي بلاه الحب ماهو متوعي

أتمنى أن تحوز على رضاكم وأستحسانكم ..

أخوكم / طارق النفيعي