الطارف الله يحيه ,,,

[عبدالله حبيٌب الزراقي]

يامرحبا والسواه الله يسويها = لله كل الشكر والفضل والمنٌه
يالي منعت الزكاه الي تزكيها = يابعدها عن خشومك ريحة الجنه

[مرجح الميزان]

دام البقا والقضيه جاك قاضيها=والبرد ما عقبه ألا شوية الكنه
ان كان عينك من الحاجه تراعيها=صبرك يالين ..الحويشي يكتمل سنه . !!

[عبدالله حبيٌب الزراقي]

ههههه الله الله ياهلا وغلا

الله ولا غيره الاموات يحيها = كنت احسب الموت عايف ياعرب منٌه
ان كان تبغى الدعاوي جاك داعيها = نرسلك الي تعبي حمٌلت الدنٌه

آخر تعديل عبدالله حبيٌب الزراقي يوم 27-Nov-2008 في 01:03 PM.

[مرجح الميزان]

,,

ياللي جمالك تبات ولا تعشيها=اشعيل جاله عقب ضرب العصا حنه
الله عطانا وخلق الله نعطيها=وأنته تقاسم عشاك القرد والزنه ..!

[عبدالله حبيٌب الزراقي]

وانته معاها نسرحها نضويها = والي عطاها من الخيرات يعطنٌه
خابرك قسومك وخابر كل مافيها = ماكل سبع ٍ مخاليبه يعشنٌه

[عبدالله حبيٌب الزراقي]

استاذنا الغالي معجب العتيبي

تسلم يدينك ويسلم منطوقك ياوجهه الخير والسعد

صح لسانك وتشرفنا بمرورك يأستاذنا الفاضل

[عبدالله حبيٌب الزراقي]

مرجح الميزان

معليش عندي شوية ظروف ولازم اطلع وان شاءلله ان ساعدني الوقت جيت في الليل في الاوقات الي تناسبك

[مرجح الميزان]

وأنته وراها رباعك ليش محفيها.؟!=خلك ورا الضين والك النفس ممتنه
المرجله والوفا والطيب حاويها=يوم ان بعض العرب يقرع كما الشنه

آخر تعديل مرجح الميزان يوم 27-Nov-2008 في 02:28 PM.

[مرجح الميزان]

هلا يا معجب والمميز مرورك ..





خذ راحتك ياعبدالله وان اسنحت الفرصه الليله ولا الجاي جاي ..!!

[بدر الكريزي]

الله الله الله ..


عبدالله × مرجح الميزان


صحت الألسن


يا مبدعين ..


متابع ..

التوقيع

قرأت فيما قرأته من بلوغ المرام ., اللي ترك شيء لله ( عاضه الله بخير ) ., ., استغفر الله العظيم , و أتوب إليه ‘.