احتضار الشعر

[مرزوق بن دحيم]

جلست افكر واضرب ابهام ببهام= صار العقل مسرح والافكار غاره
محتار والحيره ترا هي والالهام= مصدر غذا للعقل تاره وتاره
والشعر ضاع وضيع الشعر الاعلام=خلى مدار الذوق يعكس مساره
مره يجيب افحول فالشعر واعظام= منها المشاعر يدفقن بغزاره
وكم مرةً يحكم على الشعر بعدام= بيدين جهال الادب ياخساره
غربان فالاعلام راحت لنا زيام=وكبودنا قامت تكج المراره
عالم يجمعها ويقحمبها اقحام=ويفرض على الساحه سرابيت حاره
احلام عاشوها ولازالت احلام=ومفسر الاحلام ساق البشاره
يعني كذا والا كذا عالم نيام=يدعم هل الاحلام راع التجاره
البرتقاله عذبت شلة اقزام=والبيدجانه فن وش هالمهاره
ساحه وتوضع فوقها اعلام وخيام= سوق الخضار يبيع فن وايثاره
قبه وسور وساحة انعام وزحام=والنار ما تالع بليا شراره
حراج واحد ترقبه عين سوام=ياخذ من العالم مكان وصداره
ياخوك ياسلطان ياذخر وسام= هذا زمن يفقأ مشيمة حضاره
اجهاض للعذرا بلا شرع واحكام=تاريخنا يصرخ بمعنى العباره
من ينقذ التاريخ من تحت الاقدام=ويرهي على الشيطان وبل الحجاره
المحبره جفت ومنها الورق صام=وهذا قلم يغرق بصوت احتضاره

مرزوق بن دحيم

[عبدالرحمن الهيلوم]

صح السانك يالغالي
وفالك الطيب يالدحمي

[أبو عمر الأسعدي]

صح لسانك يا أبا دحيم

[السميــــــري]

'



المحبره جفت ومنها الورق صـام
وهذا قلم يغرق بصوت احتضـاره



ياسلام يامرزوق ..
صح لسانك ..

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[ضامي وفا]

مشكور ياغالي

عساك عالقوة

[>>>>ابــن حــشــر......]

صح لسانك وعمرك طويل

[عبدالله بن طلال]

صح لسانك يامرزوق

وننتظر المزيد والمزيييييييييييد

الله يعطيك العافيه