عوضنا بشاعر المعنى ولا نحتاج للمليون

[نايف الجازي]

السلام عليكم ورحمة الله وبركاته

كيبورديه كالعاده سريعه لعيون الهيلا بعد طول الغياب


عوضنا شاعر المعنى

فيك ياشاعر المليون

سالنا لجنة المليون منهوشاعر المليون=سعيد الحظ بياع الكلام وجاني ارباحه
اكيد انتم تعرفونه وبعض الناس مايدرون=يحسبون الهدف تقييم للموروث واصلاحه
ولوان الهدف واضح لمن ربي عطاه عيون=تفرج كيف شكل الباص من بديه لمفتاحه
يلوح بالغناه ونص شعب المملكه مديون=يبي كوكتيل ويغير ولو مره عن الواحه
صحيح ان الداراهم فتنة العاقل مع المجنون=لكن بشاعر المليون مكشوفه وفضاحه
طوابير وترقب وانتظار وكلهم يقفون=ليامرت مواكب لجنة المليون بالساحه
ومن يدخل عليهم كن ماله بالاساس متون=تكابر هيبة الموقف وناسي قسوة جراحه
وتعال تشوف بدر صفوق توه مطفي الغليون=وكنه نازلن ساحة قتال وشايل سلاحه
سلاح الذل للاعزل بمبرد فلسهم مسنون=على خالد وسلطان الفشق والقوس برماحه
وغسان الكصيده يعرف ارداها من الموزون=ولو يفهم حمد والله مايضوون بمراحه
لهم تاريخ في شعرالنبط والنقض والمدفون=وانا دورت له والمندهش مايترك الحاحه
ولاحصلت شي الا مجرد شك من ملعون=يقول ان الزمن ماسح مواقفهم بمساحه
وانا حسبي على ذاك الزمن والطاير الميمون=يحلق بالكفيف ويكسر التيار بجناحه
زعلنا العام لكن ربعنا من طيبهم ينسون=ومن يذكر تناسى لجل ياصل شاطي الراحه
تعبنا من تحاملهم ولانرضى ولايرضون=رجالن لو حداها الفقر والسكتان لماحه
تعلمنا من الماضي وناسن قبلنا يروون=يقولون الاواني ماحوت بالجوف نضاحه
وبرق صد عنكم مرتين اصحو منه ترجون=ولو كانت بروقه في عنان السحب وضاحه
عوضنا شاعر المعنى بحمكة قايده مصيون=عن اللي يبخسون الكيل سراقه ومزاحه
يتابعم على البث المباشر كل من بالكون=بحكامن تحلو بالشرف ثم لبسو وشاحه
كلامن فيه فتل ونقض بانينه على قانون=ومن يفتل يجيه النقض لويومي بمسباحه
ترى طعم الامانه لو تسلم في يد المامون=تقبل حكمها نفس الرضا وتروح مرتاحه
واظن الفرق واضح مختلف مابين لون ولون=يولي شاطي الراحه لنا مسرح بمفتاحه
نبا سكانها الترحيب بالزوار ويهلون=على قمة جبال شاهقه تمتد للباحه
وانا عندي طلب تكفون يالشعار ثم تكفون=نقاطع شاعر المليون في حزنه وبافراحه
وابونا ادم غلط مره وغادر جنته محزون=وكانت غلطته والمعصيه في قطف تفاحه
فمابلك بناس تكر الغلطه لجل مليون=وتعطي راسها ناسن بدون قرون نطاحه

[/QUOTE]

[مدمن قلطة]

وابونا ادم غلط مره وغادر جنتـه محـزون
وكانت غلطته والمعصيه في قطـف تفاحـه
فمابلك بناس تكـر الغلطـه لجـل مليـون
وتعطي راسها ناسن بدون قـرون نطاحـه


صح لساانك يالجاازي

[ممدوح الروقي]

يعطيك العافيه وصح لسانك على هالجرله
تكلمت فصدقت وكتبت فابدعت

[اسير الضلام]

صح لسانك وبيض الله وجهك

[السميــــــري]

وتعطي راسها ناسن بدون قـرون نطاحـه


نعم ..
يالجازي ..
صح لسانك ..
قصيدة واقعية ..

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[عبدالرحمن الهيلوم]

صح لساانك يالجاازي

[علي الثبيتي]

صح لسانك مليون وابيض وجه يابو حمدان

كيبورديه وشامخه يانايف وصح لسانك لين ترضى

التوقيع

ماني بلا روقي ولا برقاوي = انا ثبيتي جد روق وبرقا

[][][الهراني][][]

السلام عليكم ورحمة الله وبركاته

مساكم الله بالخير يا الربع.............. ومشكور يا اخوي( نايف الجااازي) وصح لسانك.

وبالنسبه لشاعر المليون.. هم همهم الوحيد الماده.


بس بيني وبينكم نفع شعار كثار... خاصه اللي مااحدن يعرفهم. وأظهرهم لنا.

وأيضا أفضل من البرامج الثانيه: أقصد الاغاني واللي حولها من برامج اللي فيها تصويت.

يعني فيه إيجابياته وسلبياته...........وأنا أقول هم ما أخصبو أحد على التصويت.

كلن عقله في راسه ويعرف خلاصه.

مع أني كنت أفضل البرنامج يكون سعودي.....بس ما الله كتب.


ومره ثانيه صح لسانك يا ( نايف الجاازي ) وبالتوفيق

[مرزوق حمدان العتيبي]

..
نايف ابداع يعجز عنه الوصف

لله درك ننتظر جديدكـ

..
....

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[ابو فايح]

صح لسانك يا نايف قصيده رائعه جدا