الفـلوجه للشاعر كديميس العصيمي...

[OTAIBAH]

قصيدة الفلوجه للشاعر كديميس العصيمي

كل من عايش مصايب نكبة الفلوجه = شاف كيف البطش والارهاب والاسرافي
جاهم الجيش الامريكي بابيضه وزنوجه = ومن ورى الجيش الامريكي قوة الاحلافي
المساجد مستباحه والجثث مبعوجه = والنساء واطفالهن للطايرات اهدافي
وكل بيتٍ كسرو بيبانه المزلوجه = ودخلو مع مدخله والبيت نوره طافي
ودوجوا في داخليه نعنبوها دوجه = وكل واحد معه رشاش ومعه كشافي
ومن ينادي بالعداله حجته مفلوجه = والخساير فادحه والفتق ماله رافي
ليتنا ناخذ على روس الاعادي روجه = بالصواريخ الثقيله لين يصفي الصافي
ان نصرنا لله طردنا المعتدي وعلوجه = وان خسرنا المعركه نطلع بعذرٍ كاافي
مير قادتنا سفينه صفهم مطعوجه = كل واحد ليا حصل يومٍ عبوس يفافي
ولو يقول البعض طبو في المحيط وموجه = قال الاخر ماتقدم متر وانت خلافي
خايفٍ من صاحبه يقلب عليه الموجه = لايجيه ينازعه في حده الجغرافي
قبل كنا في المواقف كتلةٍ مدموجه = مايزعزعنا الحريب وصفنا متصافي
كم تحدينا عواصيف الزمان وهوجه = لين صدرنا مبادي العدل والانصافي
كل مافتحنا بلد نبدا نعالج عوجه =بالقلم والسيف والمصحف علاجٍ شافي
غزوة اليرموك حنا للي تفوق فوجه =ومن بعدها القادسيه والسلام الضافي
اعتلينا قمة المجد ومنار بروجه = وفي المعالي قسمنا من كل شكل وافي
لين جانا من يشيل العولمه بخروجه = لاهلا به من نظام ولا هلا به من لافي
حصلت منا الكثير ابوابهم مهجوجه = ودخلوها ودخلتهم والغت الاوقافي
من مساويها مساواة الرجل والزوجه = الغت النص الصريح العولمه ياكافي
بردوها وارسلوها بالوباء ممزوجه = ولصفات المستقيمه هدف الهدافي
وهمشت هيبة بعضنا واوقفت منتوجه = وصار يذعن للشروط للي بهن اجحافي
لاحياه لكل رجلٍ هيبته مسهوجه = مثل ماسهج العقيد معمر القذافي
ضيروه مضيرين النافر المرجوجه = لين عقب مقامزتها عودت ميلافي
جاه مندوب الوكاله واستلم كتلوجه = واخضع البرنامج المحذور للاشرافي
شالوا الشمع الحمر عن مغلقات دروجه = مابقى في الملف السري ملفٍ خافي
ذللوه وصار مثل الهبره المعلوجه = لا عظام ولا شحم في هبرة الاكتافي

[مرزوق حمدان العتيبي]

..
.


ولو يقول البعض طبوا في المحيط وموجه
قال الاخر ماتقدم متـر وانـت خلافـي


خايفٍ من صاحبه يقلب عليـه الموجـه
لايجيه ينازعـه فـي حـده الجغرافـي
اشهد بالله انك ماكذبت

عتيبه الله يبيض وجهك
هذي القصايد اللي ترفع راس كل مسلم
اللي أعمى الله عنها قناة الفتنه

وراحت تروج وتنبش عن الماضي وتسئ لعتيبه و لحرب
الله يجازي القائمين عليها بمايستحقون


صح لسان الشاعر كديميس

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[متعب العصيمي]

لا شلت يمناك يابعدي على القصيدة

قصيدة اكثر من رائعه .. صح لسان الشاعر كديميس

أشكرك وبعنف

[الشــاهد]

مرعب كديميس صح لسان سلاح عتيبة




عتيبة مشكور يالغالي

[أخو جوزا]

ليتنا ناخذ على روس الاعـادي روجـه
بالصواريخ الثقيله لين يصفـي الصافـي
ان نصرنا لله طردنا المعتـدي وعلوجـه
وان خسرنا المعركه نطلع بعـذرٍ كاافـي

قبل كنا فـي المواقـف كتلـةٍ مدموجـه
مايزعزعنا الحريـب وصفنـا متصافـي
كم تحدينا عواصيـف الزمـان وهوجـه
لين صدرنا مبـادي العـدل والانصافـي
كل مافتحنـا بلـد نبـدا نعالـج عوجـه
بالقلم والسيف والمصحف عـلاجٍ شافـي
غزوة اليرموك حنا للـي تفـوق فوجـه
ومن بعدها القادسيـه والسـلام الضافـي
اعتلينـا قمـة المجـد ومنـار بروجـه
وفي المعالي قسمنا من كل شكـل وافـي
لين جانا من يشيـل العولمـه بخروجـه
لاهلا به من نظام ولا هلا به مـن لافـي
حصلت منا الكثيـر ابوابهـم مهجوجـه
ودخلوهـا ودخلتهـم والغـت الاوقافـي
من مساويها مساواة الرجـل والزوجـه
الغت النص الصريـح العولمـه ياكافـي
بردوهـا وارسلوهـا بالوبـاء ممزوجـه
ولصفـات المستقيمـه هـدف الهدافـي
وهمشت هيبة بعضنا واوقفـت منتوجـه
وصار يذعن للشروط للي بهن اجحافـي

صح لسان ابوصالح ويبقي هامه من هامات الهيلا.


كم نحن مبدعون كم نحن هادفون عندما نسمو بافكارنا ومنتوجنا الابداعي

فوق مواطن خلافات جانبية يستغلها عدوأ متربص اوحقير مهوس بالتفريق

اوقنوات(تغبير شعبي) تعني بنشر وتغذية العنصرية وتتكسب من وراء

ذالك وتصبغ علي وجهها مسحة دينية سرعان ماتنقضها.

التوقيع

قال الله تعالى: ﴿وَالْعَصْرِ * إِنَّ الإِنسَانَ لَفِي خُسْرٍ * إِلاَّ الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ ﴾

[فاهم بن العتيبي]

رائعه من روائع كديميس

[محمد العتيبي]

صح لسان الشاعر: كديميس العصيمي

وكديميس لديه قصائد شامخه كثيره في كل مجالات الشعر

وليس اختصاصه فقط الهجاء !! فلماذا لم تعرض باقي قصائده كقصيدة

(( الفلوجه )) ؟؟

فهذا السؤال يدعك تقف مذهولا مما تم بثه في قناة القباحه

قبحها الله ,,

هل أصبحت قناة الساحه قناة يهوديه لتفرق بين المسلمين وتزرع بينهم
الكره والتفرقه ؟؟

تحيتي

التوقيع

للتواصل عبر twitter تويتر al_bargawy@

[ابو فايح]

ولو يقول البعض طبوا في المحيط وموجه
قال الاخر ماتقدم متـر وانـت خلافـي


خايفٍ من صاحبه يقلب عليـه الموجـه
لايجيه ينازعـه فـي حـده الجغرافـي

صح لسان كديميس قصيده رائعه من شاعر فحل

[اسد الهيلا]

لاهنت ياعتيبه على النقل الجميل وصح الله السان سلاح عتيبه

[ابو محمد الدعجاني]

صح السان الشاعر والناقل