قصبدة أسد ودكتور زهران: في اعتيبة الهيلا

[عبدالرحمن الهيلوم]

قصيدة الشاعر عبدالواحد بن سعود الزهراني في حفل استقبال قبيلة زهران لأخوانهم وحلفائهم اعيان قبائل عتيبة في جدة يوم الاحد الموافق 18/6/1429هـ بقاعة سهارى

يا لله ياللي جوده أوسع من كل جود=ما لنا خيرة علي خيرة تختارها
أفضل استثمار الإنسان دعوة في سجود=بين تسبيح المصلين واستغفارها
وتلاوة سورة وركعتين في هجود=والنجوم تفك شفراتها وأسرارها
لي صحيت وتالي الناس من حولك رقود =والسما للصبح تغزل خيوط أنوارها
مرحبا ترحيبة ما تثمنها النقود =ما يترجم سوق الأسهم نطاق أسعارها
مرحبا ترحيبة ما لها عندي حدود=ألف شهر الناس ما يسبرون أغوارها
احسبوا قطرات ماي الجداول والسدود =وبحار الأرض وآبارها وأنهارها
واحسبوا رمل ألف صحراء مثل النفود=وألف غابة واحسبوا كم غصون أشجرها
ولو دبلتوها ثمانين تدبيلة وزود=ما تساوي عشر من عشر من معشارها
مرحبا باسم الزهارين يا كل الوفود =عد ما هلت مزون السحاب وأمطارها
يا عريقين النسب يا عريبين الجدود =يا رجال من مئات السنين أثارها
السباع انتوا النمور الضواري والأسود=والصقور انتوا شياهينها وأحرارها
عزوة الهيلا عتيبة وخلق الله شهود =قالة العتبان من يستطيع إنكارها
ونعم العتبان والعود في عين الحسود=والنشامي ندعي الله يطيل أعمارها
كل ما هيمن على المعركة حالة ركود =جوك صبيان الطلق ينفضون غبارها
جوك من الباتريوت واقوي من سكود=موجة ما يلتقط بثها رادراها
بيننا ما بيننا من مواثيق وعهود =لو تجف عروقنا ما تجف أحبارها
عند أبو صبحي وثايق على حلف معقود=والحقايق عند بيت الرقوش أخبارها
يوم طوقنا بسل تحت بيرق بن سعود =ودحرنا غزوة الأتراك واستعمارها
امتطيناها براح ورقيناها سنود=يوم صفرت في عيون الكبار كبارها
العزيمة في سهارى على حر الكيود=لين يقفا ها زيارة تبرد نارها
في شفا زهران ترحيب وسهود ومهود =ربعنا ما تقبل من الضيوف اعذارها
والغلا في القلب لو قصرت بعض الجهود=كل لحية من لحاكم لها مقدارها

الشاعر الدكتور/عبد الواحد بن سعود الزهراني

[أخو جوزا]

صح لسان الدكتورعبد الواحد ونعم بزهران.



شكرأ للهليوم

التوقيع

قال الله تعالى: ﴿وَالْعَصْرِ * إِنَّ الإِنسَانَ لَفِي خُسْرٍ * إِلاَّ الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ ﴾

[ابو محمد الدعجاني]

صح السان الشاعر والناقل ونعم بزهران

[عبدالرحمن الهيلوم]

شكرا للغالين المرور

[ابو ضيف الله]

بيننا ما بيننـا مـن مواثيـق وعهـود =لو تجف عروقنا مـا تجـف أحبارهـا

صح لسان الدكتور الشاعر الفاحل عبد الواحد الزهراني
والف نعم في زهران اللي اشهد الله على حبهم

التوقيع

قال الشافعي رحمه الله: أركان الرجولة أربع: الديانة والأمانة والصيانة والرزانة. قال الخليل ابن أحمد: التواني إضاعة, والحزم بضاعة, والإنصاف راحة, واللجاجة وقاحة. اللهم أنصر من نصر الدين وأخذل من خذل الدين

[أبو مصلح 511]

صح لسان شاعر زهران




وما عليهم زود








وبيض الله وجهك يا عبدالرحمن على المجهود الرائع













ولكم تحياتي

[فهد النفيعي]

جوك من الباتريوت واقوي مـن سكـودموجـة مـا يلتقـط بثهـا رادراهــا

صح لسان شاعر زهران ومانقول الا ماعليكم زود يالزهارين ونشهد الله على حبكم

ولاهنت يالهيلوم

[عبدالرحمن الهيلوم]

شكرا علي المرور يالغالين

[فهد الزهراني]

صح لسان ابن العم ولسان القبيلة وشاعر البار عبدالواحد بن سعود
واثني على كلامه
ونعم مليار بلابة عتيبة
عتيبة المجد والتاريخ
الكرم والشهام والشجاعة والنخوة
يستاهلون ماقاله عنهم وفيهم وهو قليل من كثير
واشكرك يااخ عبدالرحمن على اتحافنا بهذا النص الباذخ الجمال فيمن يستحق بلاشك
ارق تحية

[ممدوح الروقي]

يعطيك العافيه عبدالرحمن على الطرح
وصح لسانه شاعر زهران جزل ولايقول الاالجزل