جديد .. حـبـيـب الـعـازمي ×× زيـد الـعـضـيـلة [[ والـنـار حـيّـة ]]

[وافي الخماش]

سلام عليكم ..



كيف الحال عساكم بخير ..

طاروق حبيب العازمي .. و .. زيد العضيلة

من حفلات العيد لـ عام 1429هـ في ظلم بحضور الشعراء ..

سعيد ابن رحمة - عبدالعزيز العازمي ..

يالعازمي طرف الليل ارم الحطب واشعم النار = ومطير والآد مره غالين والنار حية
تحزموا يارياجيل دار الفلك والرحى دار = خير العتيبي وشره ذلحين والنار حية

يالعازمي خفف الكيل مشوار قافيه مشوار = حلوة على راس مرة والليل والنار حية
الحق يبغى معاديل والبيت ينصاه زوار = ما ارضى لراسك مضرة بعدين والنار حية

تبى تدور الفناجيل واختار منها وابا اختار = فنجال شيخٍ مقره في العين والنار حية
يازيد منته ببلحيل صيحت للجمع وإنهار = مابين وادي وحرة قسمين والنار حية

لكن ياويلكم ويل ياشاربٍ كاس الامرار = ما ذقت منها مسرة دارين والنار حية
يالعازمي شالك السيل واخر خبر صار ماصار = واصبحت صوتك تجره مقفين والنار حية

اطلق شنب في سرائيل شارون والقوم كفار = وانته ليا اونست حرّة رمحين والنار حية
اول حياتك غرابيل واخر حياتك لا تحتار = سن الجمل لا تفرّه نابين والنار حية

غزوٍ مثل غزوة الفيل شرايده راح لشهار = والي بفندق مسرة شهرين والنار حية
انا ماني بارد الحيل سجلت في الصحف تذكار = ياراعي الثوب زرّة صاحين والنار حية

حنا وردنا مقابيل ومطير راحوا على يسار = تبدي نجوم المجرّة وتبين والنار حية
بالهون ياهل المفاتيل طق القبّس والملح ثار = وانتم تقصون جرة غاوين والنار حية

يا مصرفين المعاميل يبغالكم بن وإبهار = والقرم لله درّه للدين والنار حية
المروغة لازهر الذيل صاحبك ماهو بمكار = يلي تشيلون صرة مخطين والنار حية

نرهيله البن والهيل وانت نبهرك مسمار = الي مزاجك يقرّه في الصين والنار حية
عند الرماه النواجيل ام احدعش وام شنكار = وان قمت راسك تفره مشطين والنار حية

ياقهوجي منت ببخيل جملت والضيف عذار = فتحت باب المبره سمحين والنار حية
وانا لكم بأم دربيل ميقاعها مشت الزار = والكحل نبغى نذره ويبين والنار حية

اتمنى ان تنال على إعجابكم وان اكون وفقت في كتابتها ..