رثاءٌ في الشيخ فيصل بن عديس العازمي رحمه الله:

[بـنـاخـي خـويـس]

يا موت غاراتك علينا سريعه= أخذت يا حكم القضا فيصل عديس
فجعتني. يا كبرها من فجيعه=أبكيتني والدمع فيض المتاعيس
أمر الولي حق وعلينا نطيعه= نحزن ونفقد كاسبين النواميس
اللي لهم دايم مقر الطليعه= أهل الوفا ومحرقين المحاميس
وفيصل رحل لكن فعله نذيعه= يبقى ما دام الارض عشق التضاريس
نفسه على حب المكارم ضليعه= وبالمد كفه فاق كل المقاييس
فيه الكرم والجود نهج وطبيعه= بالعيب عرضه ماهر جبه ولا ديس
الحزن يرعى بالصدور الوسيعه= والهم زاد الهم خلف الكواليس
مرحوم يا حيد يذري منيعه= مرحوم ما ذعذع براد النسانيس
الله يفتح لك من العفو ريعه= ويعل قبرك بالمزون المراويس
وعسى العوض فأهل النفوس الرفيعه= مايخلف القرناس غير القرانيس

مــــــــــــــــــنــــــــــــــــــــقـــــــــ ـــــــــــــولـــــــــــــــــــــــــــــــــه