طق عود الساج فالعاجي

[سعود الدماسي]

الا يا هل الهوى روحي من الغالين مفلوجـه=عليها مـن يديـن الغاليـه قفـلٍ ومزلاجـي
اميره داخل احماها مابين ضلـوع معووجـه=على عرش الغلا الي مايطبـه كـل دواجـي
تقول الله جعلها فالضلـوع العـوج منسوجـه=ونزلهـا مداهيـل الغـرام وحولهـا سياجـي
وخلاهـا تسيـد فالغـرام وتامـر بفـوجـه=والى نادت نصاها مقبلٍ مـن كـل الافواجـي
ثقيلة عقل مملوحه حشـا ماهيـب مرجوجـه=ليانة عود ريانه سـوادة رمـش وحجاجـي
رهيفه والحشا ضامر وسيعة عين مدعوجـه=وخشمٍ مابعد زينه سـوات السيـف لاعاجـي
ثمانٍ من ورى جمر الغضى بالنـور مبلوجـه=وخدٍ لا سطح نـوره ظـلام الليـل ينباجـي
لها مجدول ضافي لنتثـر والسـاق مدموجـه=وصوت اخطا قدمها طق عود الساج فالعاجـي
عليها من بنات الريح صفراٍ جات مسروجـه=تكيد الخيل بخطاهـا علـى مبـدا ومنهاجـي
صبا نجد المسمى والروابـي فيـه وفجوجـه=يذكرني هواها فـي ضميـري كـل ماهاجـي
انا نفسي على شوفة منات الـروح مبهوجـه=هي ادوى علتي ماغيرهـا تلقـون لعلاجـي
حياتي دونها ياهل الهوى والغـي مزعوجـه=وانا من بعدها وشلون ابا ريح مـن زعاجـي
هواها حاكمن قلبي ومنها الـروح مسهوجـه=واثر حكم الهوى طاغي حكمني حكم حجاجـي
حصيلي فالهوى بذرٍ زرعته ضـاع منتوجـه=خساير مير ماحسب عقب ضيعـت الانتاجـي
الايالله تفرجلـي ودنيـا الجـور مفـروجـه=بعد صرت الغريق الي غرق في بحر الامواجي

[محمد العتيبي]

هواها حاكمن قلبي ومنها الـروح مسهوجـه
واثر حكم الهوى طاغي حكمني حكم حجاجي
حصيلي فالهوى بذرٍ زرعته ضـاع منتوجـه
خساير مير ماحسب عقب ضيعـت الانتاجـي
الايالله تفرجلـي ودنيـا الجـور مفـروجـه
بعد صرت الغريق الي غرق في بحر الامواجي

الله الله

صح لسانك ياسعود على هذه الرائعه الفذّه ..

تحيتي
...

التوقيع

للتواصل عبر twitter تويتر al_bargawy@

[عبدالله الجـــذع]

سعود

لافض فوك

قمه قمه فالجمال والروعه

لايستغرب الابداااع منك

ماشاء الله مبدع في جل مجالات الشعر

اهنيك من كل قلبي على هذه الشاعريه الفذه
ماشاء الله تبارك الرحمن

ننتظر جديدك يالغالي

محبك
.,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[ذيب النفود]

اميره داخل احماها مابين ضلـوع معووجـه=على عرش الغلا الي مايطبـه كـل دواجـي

صح إلسانك وإعتلى شانك

هاذي القصايد وألا بلاش

[& قلب عتيبة &]

قصيدة رائعة

صح لسانك

[أبو مرحبا]

ياسعود القلب خضر


قصيدة رائعه

صح السانك واعتلى شانك

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[عقاب بن سقيان العتيبي]

صح لسانك ياسعود الدماسي
صدقني بدون مجامله من زمان ماقريت قصيده بهالابداع والروعه................

اتمنى لك التوفيق دائما ياسعود بس ترا قلوب الربع خضر يابن الحلال هون عليهم شوي (هات القصيده اللي بعدها
نصيحه) ودنا ندين....................
تقبل مروري يالدماسي................

[سلطان الجـذع]

...


سعود ... صحت أفكارك يامبدع ...

وفي انتظار جديدك